• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Prosineçki ilə müqavilə imzalanacaqmı? – Rəsmi

  • İdman
  • 24 Noyabr 2014 14:32
  • 700 Baxış
Prosineçki ilə müqavilə imzalanacaqmı?  – Rəsmi

Azərbaycan millisinin baş məşqçi vəzifəsinə namizədlərdən biri olan xorvatiyalı Robert Prosineçki Bakıya gəlməsi barədə məlumat vermişdik.

Prosineçki bu gün Azərbaycan Premyer Liqasının XIII turu çərçivəsində “Dalğa Arena”da baş tutacaq “böyük-oyun”u – “Xəzər Lənkəran” – “Neftçi” qarşılaşmasını izləyəcək.(http://publika.az/site/p/52898)

Prosineçki bir neçə gün Bakıda qalacaq. Bu barədə Publika.az-a AFFA-nın mətbuat xidmətinin rəhbəri Mikayıl Nərimanoğlu məlumat verib. Qurumun rəsmisinin bildirdiyinə görə, onunla danışıqların ilk hissəsi başa çatıb.

Prosineçkinin Bakıya gəlməkdə əsas məqsədi Azərbaycan futbol infrastrukturu və futbolçuları ilə yaxından tanış olmaqdır.

Xorvatiyalı mütəxəssis “Böyük oyun”a Elxan Məmmədovla birlikdə baxacaq. Təcrübəli məşqçinin AFFA-nın prezidenti Rövnəq Abdullayevlə görüşü planlaşdırılmır.

Prosineçki bir neçə gün infrastrukturla tanış olduqdan sonra öz qərarını açıqlayacaq. Əgər Prosineçki müsbət cavab verərsə, onun namizədliyi AFFA icraiyyə komitəsinə təqdim ediləcək. İcraiyyə Komitəsi təsdiqləyərsə, o, millinin baş məşqçisi olacaq.

Aygün İlqarqızı

Xəbər lenti

DAHA ÇOX XƏBƏR