İdman
Prosineçki söz verdi: “Burada olduğum müddətdə...”
Futbol üzrə Azərbaycan millisinin baş məşqçi postuna namizəd göstərilən Robert Prosineçki Premyer Liqanın 14-cü turunda baş tutan bir neçə oyunu canlı izləyib.
Futbolumuzla yaxından tanış olmağa çalışan xorvat mütəxəssis “Simurq” - “Qarabağ” qarşılaşmasından (2:3) sonra jurnalistlərin suallarını cavablayıb. Publika.az Robert Prosineçkinin müsahibəsini təqdim edir:
- “Simurq” “Qarabağ” oyunu ilə bağlı nə düşünürsünüz?
- Çox maraqlı oyun izlədik. Oyunda hərəkət var idi, sürət var idi. Doğrudan da, belə oyuna görə Bakıdan bura 6 saat yol gəlməyə dəyərdi. Çox qollar vuruldu. Şadam ki, bu oyunu canlı olaraq stadiondan izləyə bildim.
- Diqqətinizi çəkən nə oldu?
- Özüm üçün bəzi qeydlər apardım. İkinci dəfədir ki, “Qarabağ”ın oyununa baxıram. Hiss olunurdu ki, “Qarabağ” matçın əvvəlində özünü göstərə bilmirdi, sonradan daha yaxşı oyun nümayiş etdirdi.
- “Qarabağ”da yerli oyunçulardan diqqətinizi çəkənlər oldumu?
- Ad çəkmək istəməzdim. Doğrudan da, bütün komanda yaxşı oynadı. Yenə deyirəm, 6 saatlıq yolu getməyə dəyərdi.
- Vüqar Nadirova güvənmək olarmı? Onu milliyə çağırmaq olar?
- Sözsüz ki, Vüqar maraqlı oyunçudur. Onun oyununu izlədim. 20 dəqiqə meydanda oldu. Çox maraqlı oyunçudur. Ayın axırına kimi burada qalacam və bir neçə oyun izləyəcəm.
- Artıq 4 oyunu izləmisiniz. Azərbaycan çempionatı ilə bağlı necə fikir formalaşdıra bilmisiniz?
- Çempionatın səviyyəsinə müsbət yanaşıram. Bu günə qədər gördüklərimdən razıyam.
- Millinin sabiq baş məşqçisi Berti Foqtsun mətbuatla arası çox yaxşı deyildi. Buna görə də tənqid olunurdu. Robert Prosineçki mətbuatla əlaqəni müqavilə imzalayana qədər saxlayacaq, yoxsa bu münasibət həmişə davam edəcək?
- Mən burada olduğum müddətdə mətbuatla yaxşı münasibət qurmağa çalışacağam. Uduzanda və ya qalib gələndə - mənim üçün fərq etməz.
Aygün İlqarqızı
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama