İdman
“Qızıl top”a həsrətlə baxan beş superulduz
Bu günün ən aktual mövzusu “Qızıl top”la bağlıdı. Əsas sual da belədi: kim daha layiqdi?
Bu sual ətrafında günlərlə mübahisə etmək olar. Bir nəticə də hasil olmaz. Atalar məsəli var: heç kəs öz ayranına turş deməz. Messinin pərəstişkarları Messini, Ronaldonun pərəstişkarları Ronaldonu, Noyerin pərəstişkarları isə Noyeri tərifləyəcək. Hərənin də özünə görə tutarlı səbəbləri var.
2014-cü ilin ən yaxşı oyunçusu yuxarıda adı çəkilən üç nəfərdən biri olacaq. Bu, artıq dəqiqləşıb. Məqsəd onların uğurlarını müqayisə etmək deyil. Neçə-neçə futbol ulduzu var ki, il ərzində çıxışına görə xoş sözlərə layiqdi. Amma onlar üçün “Qızıl top” mövzusu bağlanıb. Onların hər biri superulduzdu, öz mövqeyində ən yaxşılardandı. Təəssüf ki, Messi və Ronaldonun dövründə futbol oynayırlar.
Aşağıda 2014-cü ili fantastik keçirən 5 futbolçunu təqdim edəcəyik. Əminik ki, siz də onların adını görən kimi dərindən köks ötürüb heyfislənəcəksiz.
Aryen Robben
Müasir futbolda geniş yayılan vinqer mövqeyində oynayır. Robben ili həm “Bavariya”da, həm də Hollandiya millisində yaxşı keçirib. Elə dünya çempionatını xatırlamaq kifayətdi. İlk turda İspaniyanın darmadağın edilməsində (5:1) birbaşa Aryenin də rolu var idi. Hollandiya millisi Braziliyadan bürünc medalla qayıtdı. Robben də komandasının liderlərindən biri oldu. Amma bu, onun “Qızıl top”a son üç namizəd siyahısına düşməsinə kifayət etmədi.
Luis Suares
Ötən mövsümün ən yaxşı qoleadorlarından biri idi. Torba-torba qollar vururdu. Onun qolları sayəsində “Liverpul” yuxusunda gördüyü çempionluq yarışında əsas favorit oldu. Amma...
Kyellinini dişləməsəydi, mövsümün əvvəlindən “Barselona”da oynaya bilsəydi və qollar vursaydı... Bir məsəl var idi haa...
Tomas Müller
Dünya çempionu, turnirin ikinci ən sərrast futbolçusu və eyni zamanda mundiallar tarixinin ən yaxşı 15 bombardirindən biri oldu. Amma “Qızıl top” üçün bunlar çox azdı...
Xames Rodriges
DÇ-2014-də hamıdan çox qol vuran kolumbiyalı futbolçu komandasını 1/4 finala daşıdı. “Real”a transfer olunandan sonra elə oynadı ki, elə bil doğma klubuna gəlib. Amma namizədlər siyahısına düşmədi. Adamın lap qışqırmağı gəlir. Ay FİFA, ay UEFA, ay azarkeşlər bu adam dünya çempionatının bombardiri olub. Bir az insafiniz olsun da... Xames heç olmasa “final üçlüyü”nə düşməyə layiq idi axı...
Filipp Lam
Dünya çempionu olan Almaniya millisinin kapitanıdı. Kimlər üçünsə o, ideal futbolçudu. Amma “Qızıl top”a son üç namizədin siyahısını tərtib edənlər üçün yox.
Pərviz Hikmət
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO