İdman
Bu gün stadiona o şəxslər getsin ki...
Başa düşürəm, azarkeş hissin əsiridi. Onun üçün məntiq, reallıq heç bir əhəmiyyət kəsb etmir. “Azarkeşlik etdiyim komanda qalib gəlsin, vəssalam” düşüncəsi məntiq, reallıq üçün məkan saxlamır axı. Ancaq bu gün stadiona “Qarabağ”a azarkeşlik etmək üçün gedənlər heç olmasa bir oyunluğa da olsa, hissin əsirliyindən qurtulmalı, məntiqə, reallığa güvənməlidi.
“Qarabağ” mütləq qalib gəlib, qrupdan çıxmalıdı” düşüncəsi, tələbi bu gün “Qarabağ” üçün ən böyük psixoloji basqı olardı. Heç olmasa bu gün reallığı qəbul edək, dönək bir arxaya baxaq. Dünənə qədər Moldovanın, Latviyanın, Estoniyanın klubları qarşısında aciz qalan komandaların azarkeşlərisiniz axı. Dünənə qədər “onsuz da məğlub olacağıq” düşüncəsi ilə yaşayırdıq axı. Bu gün Fransanın ən titullu komandası, İtaliya nəhəngi ilə oyunda qələbə tələb edirik. Paho! Nə vaxt böyüdü bu iddialar? Kim böyütdü bu iddiaları? Bax, elə o “Qarabağ” böyütdü. Bax, elə bu “Qarabağ” məğlub psixologiyasından qurtardı azərbaycanlı azarkeşi. Bu gün stadiona gedən azarkeş “Qarabağ” mütləq qalib gəlməlidi” tələbi ilə gedirsə, getməsə yaxşıdı. O azarkeş nəticədən asılı olaraq, “Qarabağ”ı psixoloji gərginliyə salacaq.
Bu gün stadiona gedən azarkeş “Bizi məğlub psixologiyasından qurtardığına görə komandanı alqışlamağa, “Qarabağ”a təşəkkür etməyə gedirik” düşüncəsi ilə daxil olmalıdı stadiona.
Lütfən, reallığı qəbul edin. Heç olmasa bir oyunluğa. Qarşınızdakı Bakı “İnter”i yox, Milan “İnter”idi. Milan “İnter”inin əsas və əvəzedici heyəti olmur. Orda kim bu komandada oynamağa layiqdisə, onunla müqavilə bağlayırlar.
Bunu - “Qarabağ”ın Fransa, İtaliya, Ukrayna klubları ilə mübarizədə son tura qədər qrupdan çıxmaq şansını qoruyacağını heç ağlımıza da gətirmirdik axı. Siz onsuz da qalibsiz. Sizə bu qalibiyyəti də “Qarabağ” qazandırıb.
Bu gün stadiona o şəxslər getsin ki, onlar nəticədən asılı olmayaraq, sonda “Qarabağ”ı alqışlayacaq. İddialarını böyütdüyünə, onları məğlub psixologiyasından xilas etdiyinə görə. Lütfən, heç olmasa bircə gün, bircə oyun - bu gün hissin yox, reallığın, məntiqin əsirliyində olun!
Natiq
-
Kriminal03:30
Sumqayıtda DƏHŞƏT: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO
-
Nəqliyyat01:00
ŞOK İDDİA: Dubayda su altında qalan avtomobillər Azərbaycana gətirilə bilər - VİDEO
-
Magazin100:45
“Səhvlərinizin əllərindən öpün”
-
MDB00:30
Azərbaycanlı milyarder Rusiyanın ən zəngin adamı oldu
-
Qoroskop00:15
Günün ULDUZ FALI: münasibətlər gərginləşə bilər
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO