• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Pul “Kral klubu”nu yoldan çıxardı: Beyli satırlar

  • İdman
  • 13 Yanvar 2015 17:13
  • 538 Baxış
Pul “Kral klubu”nu yoldan çıxardı: Beyli satırlar

“Mançester Yunayted” mövsümün sonunda dünyanın ən bahalı keçidini rəsmiləşdirməyə hazırlaşır.

Publika.az xəbər verir ki, “Real” “Qırmızı şeytanlar”ın Qaret Beyllə bağlı təklifini qəbul etmək qərarına gəlib.

Uelsli vinqer Madridə Londondan 91 milyon avro qarşılığında gəlmişdi. Gələn gündən müntəzəm qollar vuran Beyl İspaniya nəhənginin aparıcı futbolçularından birinə çevrilməyi bacardı. Amma baş məşqçi Karlo Ançelotti ondan tam razı deyil.

Qaret meydanda eqoistliyiylə diqqət çəkir, əlverişli epizodlarda ötürmə vermək əvəzinə özü zərbə vurmağa çalışır və bəzən qol vəziyyətini batırır. Bu isə həm məşqçilər korpusunun, həm də azarkeşlərin haqlı narazılığına səbəb olur.

Həm də onsuz da “Real”da ulduzlar kifayət qədərdi. Rəhbərlik yaxşı məbləğ müqabilində bombardirlərindən birini satmağın əleyhinə olmaz.

MY uzun illərdir Beylə maraq göstərir. Hələ “Tottenhem”də oynayarkən onu transfer etməyə cəhd göstərilmişdi. Amma mankunianların istəyi baş tutmamışdı. İndi MY “Real”a 150 milyon funtluq təklif göndərməyə hazırlaşır. Məhz bu təklifdən sonra Madrid klubunun bosslarını yumşaldıb.

Yeri gəlmişkən, “Kral klubu” artıq Beylə əvəz axtarmağa başlayıb. Əsas namizəd isə Dortmund “Borussiya”sının lideri Marko Roysdur. Onun transferinə Beylin qiymətinin çox cüzi hissəsi sərf olunacaq.

Xəbər lenti

DAHA ÇOX XƏBƏR