• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Dünya çempionu üç ildən sonra futbolla vidalaşacaq

  • İdman
  • 15 Yanvar 2015 14:36
  • 334 Baxış
Dünya çempionu üç ildən sonra futbolla vidalaşacaq

Almaniya millisinin sabiq müdafiəçisi Filipp Lam karyerasını başa vuracağı tarixi açıqlayıb.

Publika.az xəbər verir ki, bütün diqqətini “Bavariya”nın uğurlarına yönəldən 31 yaşlı bəstəboy futbolçu karyerasının son illərini başqa liqalarda keçirməyi düşünmür və üç ildən sonra butslarını mismardan asmağı planlaşdırır.

Bundestimin sabiq kapitanı millidə 100-dən çox oyun keçirib. DÇ-2014-dəki möhtəşəm zəfərdən sonra beynəlxalq karyerasına son qoyan Lam “Bavariya”nın heyətində 2002-ci ildə debüt edib. 2003-2005-ci illərdə “Ştutqart”da təcrübə toplayıb.

Müdafiəçi qərarını belə izah edib:

“Bavariya”yla müqaviləmin müddəti 2018-ci ildə bitəcək. O vaxt artıq 34 yaşım olacaq. Məncə, peşəkar futbolla vidalaşmaq üçün doğru zamandır. Özümü Qətər və ya Amerika klublarında görmürəm. Karyeramı yüksək səviyyədə oynayıb başa vurmaq istəyirəm. “Bavariya”yla daha bir Çempionlar Liqasını qazanmaq arzusundayam. Hazırda ən böyük hədəfimiz məhz budur. İnanıram ki, cari mövsümdə bunu reallaşdırmağa qadirik”.

Xəbər lenti

DAHA ÇOX XƏBƏR