• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Fernando Torres “Real”ı kubokdan “qovdu”

  • İdman
  • 16 Yanvar 2015 10:56
  • 453 Baxış
Fernando Torres “Real”ı kubokdan “qovdu”

İspaniya kubokunun 1/8 final mərhələsinin cavab oyunları keçirilib.

Publika.az xəbər verir ki, Madrid derbisində azarkeşlər məhsuldar oyun izləyib. İlk qarşılaşmada sərfəli hesabla qələbə qazanan (2:0) “Atletiko” “Santyaqo Bernabeu”ya rahat çıxmışdı. İlk dəqiqədən sonra isə Dieqo Simeonenin yetirmələri daha da rahatlaşdı.

Azarkeşlər tribunadakı yerlərini almamış hesab açıldı. Avropanı gəzib yenidən evinə qayıdan Fernando Torres dönüşünü qolla qeyd etdi. Bundan sonra tədricən toparlanan meydan sahibləri hesabı bərabərləşdirə bildi. Hətta bir müddət “Atletiko”nun müdafiə xəttində yaranan çaşqınlıqdan istifadə edən Karlo Ançelottinin yetirmələri qonaqların qapısını hücum atəşinə tutdu. Mərhələni keçmək üçün “Kral klubu”na 3 qol lazım idi. Amma ikinci hissə başlayan kimi yenə 1-ci dəqiqədə Fernando Torres səhnəyə çıxdı və cütün taleyini həll etdi. Müdafiə xəttində kobud səhvlərlə yadda qalan “Real”ın futbolçuları qalan dəqiqələrdə ruhdan düşdü. Ronaldonun cavab qolu isə heç nəyi dəyişmədi.

“Barselona” “Elçe”ylə cavab matçında da “məşq etdi”. İki oyunun nəticəsinə görə, 9 top vuran kataloniyalıları (5:0, 4:0) növbəti mərhələdə “Atletiko” gözləyir.

Millimizin yeni üzvü Eddi İsrafilovun şərəfini qoruduğu “Qranada” cavab oyununda da “Sevilya”ya müqavimət göstərə bilməyib. Bu dəfə hesab daha böyük olub. Eddi isə meydana çıxmayıb.

İspaniya kuboku. 1/8 final, cavab oyunları

13 yanvar

Espanyol - Valensiya 2:0 (ilk oyun 1:2)

Kaysedo, 79; 90.

Levante - Malaqa 3:2 (0:2)

Barral, 71; 74. Xuandran, 85 - Rikardo Horta, 22. Resio, 38.

14 yanvar

Atletik - Selta 0:2 (4:2)

Exeyta, 49. Orellena, 61-p.

Xetafe - Almeriya 1:0 (1:1)

Vasqes, 76.

Real Sosyedad - Vilyarreal 2:2 (0:1)

Karlos Vela, 45. Esteban Qranero, 75 - Cerard Moreno, 27. Covani Dos Santos, 73.

Sevilya - Qranada 4:0 (2:1)

Qameyro, 19; 56. Yaqo Aspas, 28. Denis Suares, 64.

15 yanvar

Real - Atletiko 2:2 (0:2)

Serxio Ramos, 20. Kriştiano Ronaldo, 54 - Fernando Torres, 1; 46.

Elçe - Barselona 0:4 (0:5)

Matye, 21. Serxio Roberto, 40. Pedro, 43-p. Adriano, 92.

1/4 final mərhələsi

Malaqa - Atletik

Espanyol - Sevilya

Barselona - Atletiko

Vilyarreal - Xetafe

Xəbər lenti

DAHA ÇOX XƏBƏR