Rövnəq Abdullayev FİFA prezidentiylə görüşdü
Bizi izləyin

İdman

Rövnəq Abdullayev FİFA prezidentiylə görüşdü

Bu gün Rusiyanın Sankt-Peterburq şəhərində FİFA prezidenti Yozef Blatterlə AFFA-nın prezidenti Rövnəq Abdullayev arasında görüş keçirilib.

Publika.az xəbər verir ki, görüşdə 2014-cü il ərzində Azərbaycan futbolunun inkişafı məqsədilə həyata keçirilmiş tədbirlər, inşası başa çatmaqda olan Bakı Olimpiya Stadionunun hazırkı vəziyyəti barədə ətraflı məlumat verilib, stadionun tikinti prosesini əks etdirən videoçarx nümayiş olunub.

FİFA prezidenti AFFA rəhbərliyinin məlumatını dinlədikdən sonra görülən işlərdən məmnunluğunu bildirib.

Görüşdə FİFA-nın Kommunikasiya və İctimaiyyətlə Əlaqələr Direktorunun müavini Nikolas Meynqot, FİFA-nın Avropada futbolun inkişafı üzrə Proqramının meneceri Yeva Paskue, FİFA prezidentinin assistentləri Edvard Braun və Qay-Filipp Matye, AFFA-nın baş katibi Elxan Məmmədov da iştirak edib.

Oxumağa davam et
Reklam
Reklam

Gündəm