İdman

İtaliyada futbolçu itkin düşüb

22 Yanvar 2015 10:20

"İnter"in və İtaliya millisinin hücumçusu Pablo Osvaldo itkin düşüb.

Publika.az xəbər verir ki, iki gündür klubun məşqlərinə qatılmayan futbolçudan heç bir məlumat yoxdur.

Sonuncu dəfə sosial şəbəkədə İspaniyaya getdiyini yazan futbolçu, həftəsonu "Espanyol"un şərəfini qoruyan dostu Kristian Alvareslə şəklini paylaşmışdı. Lakin daha sonra futbolçudan heç bir xəbər alınmayıb.

İtalyan futbolçu "Sautqempton"da çıxış edərkən də bu cür hərəkətlə yadda qalmışdı. "Müqəddəslər"in sırasını icazəsiz tərk edərək iki həftə məşqlərə çıxmadığına görə, "ağ-qırmızılar" onunla müqaviləni pozmuşdu.

Cari mövsümü icarə əsasında “İnter”də keçirən argentinaəsilli italyan futbolçu A seriyasında 12 oyuna çıxıb və aktivində 5 qol var.