• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Qadın futbolçu ərinin “zibilinə düşdü”

  • İdman
  • 22 Yanvar 2015 20:11
  • 595 Baxış
Qadın futbolçu ərinin “zibilinə düşdü”

ABŞ-ın qadınlardan ibarət futbol üzrə milli komandasının qapıçısı Houp Solo ərinin səhvinin bəlasına düşüb.

Publika.az xəbər verir ki, Solonun yoldaşı içkili vəziyyətdə avtomobildən istifadə etdiyinə görə həbs olunub. Çünki millinin qapıçısı da həmin maşında olub.

ABŞ futbol federasiyasından verilən açıqlamada hadisənin Kaliforniyada təlim-məşq zamanı baş verdiyi deyilib:

“Solo səhv seçimlər edərək milli komandaya və yoldaşlarına pis bir nümunə göstərib. Bu səbəblə futboldan bir ay uzaqlaşdırılma cəzası alıb və düşərgədən kənarlaşdırılmasına qərar verilib”.

Solo isə "facebook"dan son aylarda ağır günlər keçirdiyini deyib:

“Federasiyanın qərarına hörmət edirəm və səhvimi qəbul edirəm. Komanda yoldaşlarımı, məşqçi heyətini və federasiyanı pis vəziyyətdə qoydum. Üzr istəyirəm”.

Məlumat üçün bildirək ki, 33 yaşlı xanım idmançı 175 sm boya malikdir. O, ABŞ-ın ən məşhur idmançıları arasında yer alır. 2011-ci ildə Almaniyada keçirilən dünya kubokunda ən yaxşı qapıçı seçilib və “qızıl əlcək” alıb.

Solo ABŞ millisiylə olimpiadalarda (2008 və 2012) qızıl medal qazanıb və 2007-2011-ci illərdə keçirilən dünya çempionatlarında iştirak edib.

Aygün İlqarqızı

Xəbər lenti

DAHA ÇOX XƏBƏR