• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Daha bir futbolçu İslamı qəbul etdi - FOTOLAR

  • İdman
  • 26 Yanvar 2015 20:56
  • 665 Baxış
Daha bir futbolçu İslamı qəbul etdi - FOTOLAR

Almaniyanın "Nürnberq" klubunun yarımmüdafiəçisi Danni Blum İslamı qəbul edib.

Publika.az Almaniyanın “Bild” nəşrinə istinadən xəbər verir ki, 24 yaşlı futbolçu 5 vaxt namaz qılır, tez-tez məscidə gedərək ibadət edir, spirtli içkilərdən uzaq durur və halal qidaları seçir. O, ibadət edəndə belə başqalarını narahat etməməyə çalışır.

Futbolçunun özü isə İslam dinini qəbul etməsi barədə suallara cavab verəndə bildirib ki, əvvəllər futboldan kənarda əyləncələrlə dolu və məsuliyyətsiz həyatı olub: "Zaman-zaman yaşadığım həyatın hər şey olmadığını anladım və bu haqda düşünməyə başladım. İnternetdən və kitablardan dinlər haqqında araşdırmalar apardım və İslam dini mənə çox maraqlı gəldi. Bu araşdırmalar və öyrəndiklərim məni bu yola, yəni İslama daha da yaxınlaşdırdı. Beləcə mən müsəlman oldum. Artıq həyata həmişə pozitiv baxıram".

Futbolçu həmçinin qeyd edib ki, İslam barış dinidir: "Mənim inancım heç kəsi istəmədiyini etməyə məcbur etmir. Seçimimi bildirəndə kimsə mənə pis söz söyləmədi. Olsa belə, bu, məni yolumdan döndərə bilməz. Hər kəsin özünə görə inancı var".

Danni Blum ailəsinin bu qərarına reaksiyası haqqında danışanda qeyd edib ki, ailəsi əvvəlcə təəccüblənsə də, sonradan "Bu, sənin öz seçimindir" deyib.

Xəbər lenti

DAHA ÇOX XƏBƏR