İdman

Özünə fikir verən oğlan - 300 dollarlıq ayaqqabı geyinir, 500 dollarlıq eynək taxır

27 Yanvar 2015 15:42

Braziliya millisinin və “Barselona”nın müdafiəçisi Daniel Alveş çox zarafatcıl oğlandır. Məşqlərdə əylənməyi xoşlayan futbolçu həm də özünə, geyiminə fikir edən adamdır.

Publika.az xəbər verir ki, onun istifadə etdiyi aksessuarların ümumi qiyməti 1000 dolları keçir. Məlum olduğu kimi, futbolçuların çoxu sponsor müqavilələrinə uyğun olaraq brend məhsullardan faydalanır. Dani Alveşin “Adidas” markasından geyindiyi “Jeremy Scott Holiday Bear” ayaqqabısının 300 dollara yaxın qiyməti var. Bu modelin zolaqlı (zebra) növləri bir az da bahadır (330 dollar).

Papaq həvəskarı olan braziliyalı futbolçu “Cayler & SONS”un snepbeklərinə vurğunluğunu dəfələrlə etiraf edib. Qiymətləri isə 50-60 dollar civarındadır.

O, həm də eynək “xəstəsidir”. “Citrique Eyewear” brendinə üstünlük verən Alveş “Rozalinda” modelinə 500 dollar xərcləməkdən çəkinmir.