• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

“Qarabağ”ı Avropa Liqasının qrup mərhələsində çıxış etdiyi vaxtdan tanıyıram”

  • İdman
  • 27 Fevral 2015 17:20
  • 359 Baxış
“Qarabağ”ı Avropa Liqasının qrup mərhələsində çıxış etdiyi vaxtdan tanıyıram”

Azərbaycan Premyer Liqasının 24-cü turunda “Qəbələ” “Qarabağ”la qarşılaşaсaq. Ötən tur “Xəzər Lənkəran” üzərində əzmkar qələbə (3:1) qazanan “Qırmızı-qaralar” səfər qarşılaşmasında da uğurlu nəticə əldə etmək iddiasındadır.

Publika.az xəbər verir ki, “Qəbələ”nin belaruslu müdafiəçisi Mixail Sivakov klubun rəsmi saytına açıqlamasında qarşıdakı görüşlə bağlı fikirlərini bölüşüb:

“Çempionatın lideri ilə qarşılaşacağıq. Bu üzdən futbolçuların əlavə köklənməsinə ehtiyac yoxdur. “Qarabağ”ı Avropa Liqasının qrup mərhələsində çıxış etdiyi vaxtdan tanıyıram. Rəqibimizin “Dnepr”lə hər iki oyununu izləmişdim. Güclü komandaya qarşı oynayacağıq. Bizim üçün bu oyunda qələbə çox vacibdir. Nəzəri hazırlıq zamanı onların oyununu daha dərindən təhlil edib, güclü və zəif tərəflərini üzə çıxaracağıq.

Ötən turda qalib gəlməyimiz yaxşı oldu. “Qarabağ”la görüşə yüksək əhval-ruhiyyədə hazırlaşırıq. Qazanılan hər qələbə təkcə hesabımıza xallar gətirmir, həm də özünəinamı artırır. Hesab edirəm ki, “Qarabağ”la oyunda nəticə qazanmaq gücümüzə görədir. Bunun üçün kollektiv oyun göstərməli, bir-birimiz üçün mübarizə aparıb, gücümüzü ortaya qoymalıyıq”.

Xəbər lenti

DAHA ÇOX XƏBƏR