• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Vobay “Neftçi”də 50-yə çatdı

  • İdman
  • 3 Aprel 2015 13:41
  • 265 Baxış
Vobay “Neftçi”də 50-yə çatdı

“Neftçi”nin futbolçusu Julius Vobay klubunda 50-ci çempionat oyununu keçirib. Syerra-leoneli yarımmüdafiəçi Premyer Liqanın 27-ci turunun “Bakı” ilə oyununa təsadüf edən yubileyini qolla qeyd edib.

Publika.az xəbər verir ki, komandasının ikinci qolunu vuran Vobay 2:0 hesablı qələbədə pay sahiblərindən olub. Bununla da o, mövsümdəki oyun sayını 19-a, qollarını isə 6-ya çatdırıb. 2012/13 mövsümündə “Ağ-qaralar”la Azərbaycan çempionu olanda 31 matça 8 qol vuran afrikalı Premyer Liqada “Neftçi” formasında 50-ci oyununda 14-cü dəfə fərqlənib.

Lakin Vobay “Neftçi”də vurduğu qol sayında da yubiley qeyd edib. Belə ki, komandanın heyətində avrokuboklar və ölkə kubokunda da qol sevinci yaşamağı bacaran Julius ümumilikdə 77-ci oyununda 20-ci dəfə rəqib qapısına yol tapıb.

Qeyd edək ki, Vobay 20 qoldan 5-ni avrokuboklarda, 1-ni Azərbaycan kubokunda vurub.

Xəbər lenti

DAHA ÇOX XƏBƏR