İdman

Millimiz UEFA reytinqində 5 pillə sıçradı

3 Aprel 2015 17:22

UEFA Avropanı təmsil edən ölkələrin milli komandalarının reytinq cədvəlini açıqlayıb.

Publika.az xəbər verir ki, sonuncu dəfə 4 ay əvvəl açıqlanan cədvəldə xeyli dəyişikliklər baş verib.

Yalnız seçmə oyunların nəticələrinin əks olunduğu reytinqdə Azərbaycan millisinin də mövqeyi dəyişib. Yığmamız AÇ-2016-nın Malta ilə seçmə oyununda 2:0 hesablı qələbə qazanmaqla yaxşı xal toplayıb.

2014-cü il dekabrın 4-də açıqlanan cədvəldə 14,311 xalı olan komandamız Malta ilə oyuna görə 2,570 xal qazanıb. 4 ay öncə Avropada 47-ci olan millimiz indi 16,881 xalla 42-ci pillədə qərarlaşıb. Yığmamız Kipr, Moldova, Makedoniya, Gürcüstan və Lixtenşteyni keçib.

Qeyd edək ki, Almaniya (39,336), İspaniya (36,803) və İngiltərənin (35,963) yer aldığı ilk “üçlük”də dəyişiklik baş verməyib.