• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Avropada "at oynadan" azərbaycanlı futbolçu - VİDEO

  • İdman
  • 4 Aprel 2015 11:05
  • 781 Baxış
Avropada "at oynadan" azərbaycanlı futbolçu - VİDEO

"Zenit"in azərbaycanlı futbolçusu Ramil Şeydayev Rusiya U-19 millisinin heyətində AVRO-2015-in bombardirlər siyahısına başçılıq edir.

Teleqraf.com xarici mətbuata istinadən xəbər verir ki, gənc hücumçu Avropa Çempionatının seçmə və elit raund mərhələlərində keçirdiyi 6 oyunda 10 qol vurub.

Rusiya seçmə mərhələdə Farer adaları (7:0), Şimali İrlandiya (5:2) və Çexiyaya (3:0) qalib gəlmişdi. Martın 27-dən 31-dək İsveçdə təşkil olunan Elit raund mərhələsində isə qonşu ölkə yığması Belçikaya (1:0), İsveçə (6:0) və Litvaya (3:1) gücünü göstərib.

Şeydayev bombardirliklə yanaşı rəqib qapısı qarşısında yaratdığı qol vəziyyətləri sayına (20) görə də liderdi. Ən məhsuldar ötürmə verən (5) futbolçular arasında ikincidi.

Rusiya U-19 millisinin də vəsiqə qazandığı final mərhələsinin oyunları iyulun 6-dan 19-dək Yunanıstanda təşkil olunacaq.

AFFA daha öncə Ramil Şeydayevə Azərbaycan millisində oynamağı təklif etsə də, gənc futbolçu rədd cavabı vermişdi.

Xəbər lenti

DAHA ÇOX XƏBƏR