Rəqiblərimiz müəyyənləşdi: İtaliya, Xorvatiya, Norveç...(YENİLƏNİB)
Bizi izləyin

İdman

Rəqiblərimiz müəyyənləşdi: İtaliya, Xorvatiya, Norveç...(YENİLƏNİB)

Bu gün 2016-cı ildə Fransada təşkil olunacaq Avropa çempionatının seçmə mərhələsinin püşkatma mərasimi keçiriləcək.

Bu gün 2016-cı ildə Fransada təşkil olunacaq Avropa çempionatının seçmə mərhələsinin püşkatma mərasimi keçiriləcək.

Fransanın Nitsa şəhərindəki Akropolis Konqress Mərkəzində (Palais des Congres Acropolis) baş tutacaq mərasim Bakı vaxtı ilə saat 15.00-da başlayacaq.

Mərasimdə Azərbaycan da təmsil olunacaq. Belə ki, AFFA-nın baş katibi Elxan Məmmədovla milli komandamızın baş məşqçisi Berti Foqts püşkatmaya qatılmaq üçün Nitsaya yollanıb.

Azərbaycan püşkatmaya 5-ci səbətdən qoşulacaq. Ev sahibi Fransa tarixdə ilk dəfə 24 komandanın iştirakı ilə keçiriləcək turnirə birbaşa vəsiqə qazanacaq. Fransadan başqa Avropanın 53 komandası 9 qrupa bölünəcək. Qrupların 1-də 6, qalanında 5 komanda olacaq.

UEFA bir müddət əvvəl komandaları 6 səbətə bölünüb. Səbətlərin tərkibi DÇ-2010-un seçmə və final, AVRO-2010-un seçmə və final, həmçinin DÇ-2014-ün seçmə mərhələlərinin nəticələrinə əsasən UEFA-nın hazırladığı milli komandaların reytinq cədvəlinə uyğun hazırlanıb. İlk 5 səbətdə 9, sonuncuda 8 komanda yer alıb.

A qrupu

B qrupu

C qrupu

1. Hollandiya

1. Bosniya və Hersoqovina

1. İspaniya

2. Çexiya

2. Belçika

2. Ukrayna

3. Türkiyə

3. İsrail

3. Slovakiya

4. Latviya

4. Uels

4. Belarus

5. İslandiya

5. Cənubi Kipr

5. Makedoniya

6. Qazaxıstan

6. Andorra

6. Lüksemburq

D qrupu

E qrupu

F qrupu

1. Almaniya

1. İngiltərə

1. Yunanıstan

2. İrlandiya

2. İsveçrə

2. Macarıstan

3. Polşa

3. Sloveniya

3. Rumıniya

4. Şotlandiya

4. Estoniya

4. Finlandiya

5. Gürcüstan

5. Litva

5. Şimali İrlandiya

6. Cəbəllütariq

6. San Marino

6. Farer adaları

G qrupu

H qrupu

I qrupu

1. Rusiya

1. İtaliya

1. Portuqaliya

2. İsveç

2. Xorvatiya

2. Danimarka

3. Avstriya

3. Norveç

3. Serbiya

4. Çernoqoriya

4. Bolqarıstan

4. Ermənistan

5. Moldova

5. Azərbaycan

5. Albaniya

6. Lixtenşteyn

6. Malta

UEFA Avropa çempionatının seçmə mərhələsinin formatında dəyişiklik edib. Dəyişikliyə əsasən bundan sonra əvvəllər olduğu kimi bütün qruplarda oyunlar eyni gündə keçirilməyəcək. UEFA tərəfindən "Futbol həftəsi" adlandırılan milli matçlar həftəsində qarşılaşmalar cümə axşamından çərşənbə axşamınadək oynanılacaq. Oyunların başlama saatı olaraq şənbə və bazar günləri Bakı vaxtı ilə saat 21.00 və 23.45, cümə axşamı, cümə günü, bazar ertəsi və çərşənbə axşamları 23.45 müəyyənləşdirilib.

Bu formata görə, milli komanda həftəsində ilk matçını cümə axşamı oynayan yığmalar ikinci oyununu bazar günü, ilk matçını cümə günü keçirən komandalar isə ikinci oyununu bazar ertəsi, ilk matçını şənbə günü oynayanlar isə ikinci oyununu çərşənbə axşamı keçirəcək. Beləliklə, futbolsevərlər daha çox oyun izləmək imkanına sahib olacaq.

AVRO-2016: seçmə mərhələnin oyun günləri

1-ci oyunlar: 7-8-9 sentyabr 2014

2-ci oyunlar: 9-10-11 oktyabr 2014

3-cü oyunlar: 12-13-14 oktyabr 2014

4-cü matçlar: 14-15-16 noyabr 2014

5-ci matçlar: 27-28-29 mart 2015

6-cı matçlar: 12-13-14 iyun 2015

7-ci matçlar: 3-4-5 sentyabr 2015

8-ci matçlar: 6-7-8 sentyab 2015

9-cu matçlar: 8-9-10 oktyabr 2015

10-cu matçlar: 11-12-13 oktyabr 2015

53 yığmanın mübarizə aparacağı 6 komandalı 8 və 5 komandalı 1 qrupda ilk iki sınarı tutan 18 komanda və ən yaxşı üçüncü, həmçinin meydan sahibi Fransa birbaşa final mərhələsinə vəsiqə qazaqacaq. Qalan 4 vəsiqənin sahibi isə 8 qrupda üçüncü yeri tutmuş komandalar arasındakı play-off matçlarında müəyyənləşəcək.

AVRO-2016: play-off mərhələsinin oyun günləri

1-ci matçlar: 12-13-14 noyabr 2015

2-ci matçlar: 15-16-17 noyabr 2015

AVRO-2016-nın final mərhələsinin püşkatma mərasimi 2015-ci ilin 12 dekabrında Fransanın paytaxtı Parisdə keçiriləcək. Finala vəsiqə qazanmış 24 komanda hər birində 4 komanda olmaqla 6 qrupa bölünəcək.

Vacib qeydlər:

Seçmə mərhələdə 5 komandalı qrupda yer alan komandalar rəsmi matçları olmayan milli matç həftələrində AVRO-2016-nın ev sahibi Fransa ilə yoxlama oyunu keçirəcək.

UEFA-nın yaydığı məlumatda bildirilir ki, TV yayım haqqlarına görə, İngiltərə, Almaniya, İspaniya, İtaliya və Hollandiya 5 komandalı qrupa düşməyəcək.

UEFA İdarə Heyətinin qərarına əsasən, siyasi səbəblərdən Azərbaycan və Ermənistan, İspaniya və Cəbəllütariq eyni qrupda yer almayacaq.

Oxumağa davam et
Reklam
Reklam

Gündəm