Moskvanın "Dostluq" idman kompleksində bədii gimnastika mövsümünün açılışı üç gün ərzində davam edən yeniyetmələrin və böyüklərin yarışı möhtəşəm konsertlə bazar günü başa çatıb.
Moskvanın "Dostluq" idman kompleksində bədii gimnastika
mövsümünün açılışı üç gün ərzində davam edən yeniyetmələrin və
böyüklərin yarışı möhtəşəm konsertlə bazar günü başa
çatıb.
Üçgünlük turnirlərin sonuncusu olan 20-ci "Qran-pri Moskva-2014"
yubileyi çərçivəsində həm fərdi (top və halqa), həm də komanda (3
lent və 2 top, həmçinin 10 gürzlə hərəkətlər) hesabında yarışlarda
bu gün mükafatçılar müəyyənləşib. Komanda hesabında hər iki
hərəkətlərdə birinci yeri Rusiya yığması tutub, hakimlər xüsusilə 3
lentlə və 2 topla hərəkətlərdə rusiyalıları yüksək qiymətləndirib,
onlara 17, 833 bal veriblər.
Azərbaycan yığması gün ərzində ikinci medal qazanmaqla böyük
müvəffəqiyyət qazanıb.
Azərbaycan gimnastları dahi Müslüm Maqomayevin "Mavi əbədiyyət"
əsəri ilə o qədər incə olublar ki, hakimlər onlara bir neçə saat
əvvəl 10 gürzlə qrup hərəkətlərdə olan kimi layiqli ballar
veriblər. Yekunda azərbaycanlı gimnastlar 16, 95 balla gümüş medal
alıblar. Bu barədə Trend "Vestnik Kavkaza" istinadən məlumat
verir.
"Qran-pri Moskva-2014" turnirinin fərdi yarışlarında rusiyalı
Marqarita Mamun topla və halqa ilə hərəkətlərdə iki qızıl medal
qazanaraq birinci olub.
Ümumilikdə Moskvada bədii gimnastika üzrə mövsümün açılışı
tamaşaçıların Avropa və ABŞ-dan Afrikaya qədər dünyanın ən müxtəlif
ölkələrinin gimnastlarının heyrətamiz ustalığını görmək xoş anları
ilə yanaşı hakimlərin qeyri-obyektiv qiymətləndirmələri ilə
xoşagəlməz anlarla yadda qalıb.
Bunun üçün "Qran-pri"nin 10 gürzlə qrup yarışlarını misal kimi
nəzərdən keçirmək kifayətdir, xatırladaq ki, rusiyalılar birinci
yeri, bolqarlar ikinci, azərbaycanlılar isə üçüncü yeri
tutublar.
Turnirin bayram əhval-ruhiyyəsini pozan Azərbaycan yığmasının ilk
qiymətləndirilməsi olub.
Azərbaycan komandası bədii gimnastikanın bu mürəkkəb növündə tam
məharətini göstərərək və heç bir səhvə yol verməyərək, aşağı ballar
alıb.
Lakin hakimlər digər komandaların hamısına belə kəskinliklə
yanaşsaydı yarışların sonunda ədalətsizlik belə hiss olmazdı,
bununla yanaşı, necə deyərlər, "evdə divarlar da kömək edir" Rusiya
gimnastları müəyyən qədər səhvlər buraxmalarına və orta səviyyədə
çıxışlarına baxmayaraq birinci yeri tutublar.
|
|