İdman
Həbs olunan FİFA məmurlarının adları açıqlandı
İsveçrədə korrupsiya fəaliyyəti ilə əlaqədar həbs olunan FİFA məmurlarının adları açıqlanıb.
Publika.az xəbər verir ki, saxlanılanlardan 2-si FİFA vitse-prezidentləri Ceffri Uebb və Euqenio Figeredodur.
Qalan məmurlar isə İcraiyyə Komitəsinin sabiq üzvü Cek Uorner, habelə Eduardo Li, Xulio Roxa, Kostas Takkas, Rafael Eskevel, Xose Mariya Marin və Nikolas Leosdur. Həbslər mayın 29-da İsveçrənin Sürix şəhərində təşkil olunacaq Hesabat-Seçki Konqresi ərəfəsində gerçəkləşib. Konqres çərçivəsində FİFA prezidenti seçkisi keçiriləcək. Bu vəzifəyə qurumun hazırkı prezidenti Yozef Blatterlə İordaniya şahzadəsi ƏIi ibn Əl-Hüseyn namizəddir.
Hollandiya Futbol İttifaqının prezidenti Mixael van Praq və Portuqaliya milli komandasının sabiq futbolçusu Luiş Fiqu namizədliklərini geri götürüb.
CNN telekanalı isə bildirir ki, tutulanların sayı 14-ə çata bilər.
FİFA məmurları İsveçrədə həbs olunublar. Bu barədə İsveçrə Ədliyyə və Polis Nazirliyi rəsmi açıqlama yayıb. Ali futbol qurumunun məmurları ABŞ hökuməti tərəfindən aparılan korrupsiya və rüşvətxorluq, habelə, dünya çempionatının təşkilatçı ölkə seçimi ilə bağlı araşdırma çərçivəsində tutulublar. Hazırda 6 funksionerin ABŞ-a ekstradisiyası gözlənilir. Açıqlamada bildirilir ki, ABŞ hökuməti onların 100 milyon dollardan çox rüşvət aldıqlarını bəyan edib. Ödəmələr ABŞ bankları vasitəsilə aparılıb.
FİFA-nın ictimaiyyətlə əlaqələr üzrə direktoru Valter de Qreqorio bildirib ki, qurumun prezidenti Yozef Blatter tutulanlar arasında yoxdur. O, məmurların həbsi ilə bağlı xəbəri şərh etmək istəməyib:
"Biz mətbuatdakı məlumatları gördük və bunları araşdırmaq niyyətindəyik. Hazırkı mərhələdə heç bir açıqlama vermirik".
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət
-
MDB15:56
Həbs olunan generalla bağlı şok iddia: Boşanması uydurma olub
-
İdman15:15
Həbsxanadan məktub yazdı: İki zabitin qarşısında soyunmalı oluram - FOTOLAR