İdman
Bürünc medal üçün savaşanlar - ÇEMPİONAT
Azərbaycan Premyer Liqasında 2014/15 mövsümünə yekun vurulur.
Publika.az-ın məlumatına görə, Azərbaycan çempionundan sonra
bürünc medalların sahibi məlum olacaq.
XXXVI turda "Neftçi" öz meydanın AZAL-ı qəbul edəcək. Flaqmanın 3-cü yeri tutmağa nəzəri şansları qalsa da, Peşəkar Futbol Liqası bürünc medalları "Qəbələ" - "Bakı" matçına aparmağa üstünlük verib.
Gümüş mükafatçı "İnter" "Sumqayıt"ın qonağı olacaq. "Gənclik şəhəri” təmsilçisi tarixi ərzində "İnter”ə qalib gəlməyib. Onlar "bankirlər"ə indiyədək cəmi 1 qol vurub. Son iki qarşılaşmada isə qolsuz heç-heçə qeydə alınıb.
"Xəzər Lənkəran" "Simurq"la qarşılaşacaq. Lakin maddi sıxıntılar yaşayan Zaqatala təmsilçisinin bu oyunda iştirak edib-etməyəcəyi sual altındadır.
Qeyd edək ki, Azərbaycanın əməkdar məşqçisi, tanınmış mütəxəssis Ağasəlim Mircavadov başa çatan mövsümlə bağlı bu fikirləri bildirib:
“ İddialı klublar hər zaman çempionata rəng qatır. "Bakı" və "Xəzər Lənkəran" kimi klubların çempionluq iddialarının olmaması da öz sözünü dedi. "Qarabağ"a qarşı mübarizə apara biləcək komanda görmədim. Ümumiyyətlə, çempionatda gərginlik yox idi. Əvvəlki illərdə heç olmasa 4-5 klub çempionluğa iddialı olurdu. Bu mövsüm isə yalnız "Qarabağ" və "İnter" çempionluq üçün yarışırdı”.
28 may (cümə axşamı)
"Sumqayıt” – "İnter”
Hakimlər: Rəvan Həmzəzadə, Azər Əsgərov, Namiq Hüseynov, Elman Musayev
Əlavə köməkçi hakimlər: Rəhim Həsənov, İnqilab Məmmədov
AFFA nümayəndəsi: Ramiz Abdullayev
Hakim-inspektor: Rövşən Əhmədov
"Kapital Bank Arena”, 19:00
"Neftçi” – AZAL
Hakimlər: Elvin Əsgərov, Coşqun Həsənov, Rahil Ramazanov, Nail Nağıyev
AFFA nümayəndəsi: Əsgər Əmirəliyev
Hakim-inspektor: Məlik Həsənov
"Bakcell Arena”, 20:00
"Qəbələ” – "Bakı”
Hakimlər: Əliyar Ağayev, Zeynal Zeynalov, Munis Abdullayev, Ramil Əhmədov
AFFA nümayəndəsi: Adil Nadirov
Hakim-inspektor: Füzuli Nəcəfov
Qəbələ şəhər stadionu, 20:00
"Xəzər Lənkəran”– "Simurq”
Hakimlər: Ömər Paşayev, Vaqif Musayev, Cavanşir Yusifov, Mahir Məmmədov
AFFA nümayəndəsi: Eldar Qasımov
Hakim-inspektor: Əhmədağa Cabbarov
"Xəzər Lənkəran” mərkəzi stadionu, 21:00
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?