• USD 1,7220 +0,11% EUR 1,8623 -0,37%
    • GBP 2,1371 -1,16% RUB 0,0302 -0,33%

"Neftçi" - "Mladost" qarşılaşması yekunlaşıb - FOTO

  • İdman
  • 2 İyul 2015 23:16
  • 568 Baxış
"Neftçi" - "Mladost" qarşılaşması yekunlaşıb - FOTO

Bakının “Neftçi” futbol komandası UEFA Avropa Liqası yarışlarının birinci təsnifat mərhələsində ilk oyununu keçirib.

Publika.az xəbər verir ki, Bakı təmsilçisi iyulun 2-də “Bakcell Arena”da Monteneqronun “Mladost” komandasını qəbul edib.

Türkiyəli baş hakim Ali Palabıyığın idarə etdiyi oyunun 34-cü dəqiqəsində monteneqrolu futbolçu Duşan Laqator hesabı açıb. İki dəqiqə sonra "Neftçi"nin futbolçusu Kamal Qurbanov cavab topunu vurub. Qarşılıqlı hücumlar şəraitində keçən görüşün ilk hissəsi heç-heçə yekunlaşıb.

İkinci hissədə üstünlüyü ələ alan "Neftçi" oyunun 55-ci dəqiqəsində rəqib qapısından ikinci topu keçirib. Ruslan Qurbanovun ötürməsini Araz Abdullayev qola çevirib. Lakin futbolçularımız qələbə hesabını qoruyub saxlaya bilməyiblər. Matçın 87-ci dəqiqəsində "Mladost"un futbolçusu Luka Mirkoviç hesabı bərabərləşdirib.

Beləliklə, görüş 2:2 hesabı ilə başa çatıb.

Komandalar arasında cavab oyunu iyulun 9-da Monteneqroda keçiriləcək.

Загрузка...

Xəbər lenti

DAHA ÇOX XƏBƏR