Blogerlərin fəaliyyətini tənzimləyən qanun layihəsi hazırlana bilər
Bizi izləyin
Kanon

İKT

Blogerlərin fəaliyyətini tənzimləyən qanun layihəsi hazırlana bilər

“Kim nə istəyirsə, onu da yazır".

Milli Məclisin İnsan hüquqları komitəsinin bu gün keçirilən iclasında Azərbaycanda internet resursları, o cümlədən sosial şəbəkələri, bloggerlərin fəaliyyətini tənzimləyən qanun layihəsinin hazırlanması təklif olunub.

Publika.az xəbər verir ki, bu təşəbbüslə Milli Məclisin İnsan hüquqları komitəsinin üzvü, Mətbuat Şurasının sədri Əflatun Amaşov çıxış edib.

Ə.Amaşov bildirib ki, indi dünyada bloggerlərin fəaliyyəti başqa cür dəyərləndirilsə də, Azərbaycanda buna yanaşmada fərqli baxış var və onun fəaliyyətinin sərhədləri müəyən edilməyib:

“Ona görə də bu sahəni fəaliyyətini tənzimləyən yeni qanuna ehtiyac var”.

Milli Məclisin Dövlət quruculuğu üzrə qanunvericilik şöbəsinin sektor müdiri Sarvan Sadıqov da bu təşəbbüsü dəstələyib:

“Kim nə istəyirsə, onu da yazır. Odur ki, bu sahədə bir xaos hökm sürür. Ona görə də bu sahənin qanunla tənzimlənməsinə ciddi ehtiyac var”.

Vasif Həsənli

Oxumağa davam et
Reklam
Reklam

Gündəm

Kanon