Mobil təhlükələrin sayı 150 faiz artıb
Bizi izləyin

İKT

Mobil təhlükələrin sayı 150 faiz artıb

Mobil təhlükələrin sayı 150 faiz artıb.

Avropa Şəbəkə və İnformasiya Təhlükəsizliyi Agentliyi (European Union Agency for Network and Information Security, ENISA) 2016-cı ildə təhlükələrin inkişafına və baş verən kiberinsidentlərə həsr edilən illik hesabat dərc edib.

Publika.az xəbər verir ki, əksər şirkətlərin kibertəhlükəsizliyin gücləndirilməsi üçün tədbirlər görməsinə baxmayaraq cinayətkarlar hələ də bir addım irəlidə olaraq daha mürəkkəb hücum metodları kəşf edirlər. 2016-cı ildə kiberhücumların çoxu siyasi və maliyyə məqsədi daşıyıb. Ötən il ən çox yayılmış hücum kommersiya təşkilatlarına qarşı yönəlmiş fırıldaqçı proqram təminatında istifadə edilən hücumlar olub. Bu halda həm tələb olunan məbləğdə, həm də məlumatların bərpası üçün pul ödəməyə hazır olan qurbanların sayında artım qeydə alınıb.

Hesabata müəlliflər, həmçinin yoluxdurulmuş "Əşyalar interneti" (IoT) qurğularından istifadə etməklə çoxvektorlu hücumların (insidentlərin ümumi sayının 35-50 faizi), "fishing" və "DDoS" hücumlarının artdığını qeyd edirlər. Bundan başqa, mobil təhlükələrin sayında 150 faiz artım müşahidə edilir. 2016-cı ilin əsas kibertəhlükələri siyahısında zərərli proqram təminatının tətbiqi ilə hücumlar liderlik edir. Sonrakı yerdə sayı 15 faiz artan veb-əlavələrə edilən hücumlar qərarlaşıb. Əsas hücum mənbələri kimi Braziliya (25 faiz), ABŞ (23 faiz), Almaniya (9 faiz), Rusiya (7 faiz) və Çin (4 faiz) çıxış edib. (milli.az)

Oxumağa davam et
Reklam
Reklam

Gündəm