Ekopublika.az

Gələn il üçün makroiqtisadi proqnoz bəlli oldu

14 Sentyabr 2015 22:38

2016-cı il ölkə üzrə real iqtisadi artım 1,8 faiz olmaqla ÜDM istehsalı 57,7 milyard manat təşkil edəcək.

Publika.az xəbər verir ki, bu barədə İqtisadiyyat və Sənaye Nazirliyinin hazırladığı üç il üzrə makroiqtisadi proqnozunda qeyd edilir. Bildirilir ki, qeyri-neft sektorunda ÜDM 41,5 milyard manat, neft sektorunda isə ÜDM 16,3 milyard manat proqnozlaşdırılır. Bu da neft sektorunda 1,7 faiz azalma deməkdir. Özəl sketorun ÜDM-də payı 82,2 faiz həcmində nəzərdə tutulur. Əsas investisiyalara yönəldiləcək vəsaitin həcmi 18 milyard manat həcmində müəyyənləşdirilir. Bunun da 57,8 faizi daxili, 42,2 faizi xarici investisiyaların payına düşəcək. Əhalinin gəlirlərininn 1,2 faiz artaraq 43,8 milyard manat, xərcləri isə o,6 faiz artaraq 34,4 milyard manat gözlənilir.

İqtisadiyyat şöbəsi