Ekopublika.az

İpoteka Fondu istiqrazlarının növbəti yerləşdirilməsini elan edib

19 Mart 2014 19:13

Martın 27-dən Bakı Fond Birjasında (BFB) Mərkəzi Bank yanında Azərbaycan İpoteka Fondunun (AİF) faizli, adlı, sənədsiz, təmin edilmiş istiqrazlarının VIII emissiyasının 5 milyon manat dəyərində III tranşının yerləşdirilməsi başlayır.

İstiqrazlar 100.3667% qiymətlə satışa çıxarılacaq. İstiqrazların tədavül müddəti 10 ildir.

İstiqrazların ilkin yerləşdirilməsində iştirak edən təşkilat Azərbaycan Mərkəzi Bankıdır. Təqdim edilmiş sifarişlər təklifdən çox olduğu halda sifarişlər proporsional qaydada təmin ediləcək.

Fondun istiqrazlarını əldə etmək istəyən şəxslər broker fəaliyyəti aparmaq üçün BFB-nin lisenziyası olan üzv təşkilatlara müraciət edə bilərlər.

Qeyd edək ki, AİF 2014-cü ilin yanvarında Qiymətli Kağızlar üzrə Dövlət Komitəsində hər birinin nominal dəyəri 1000 manat olan 40 milyon manat dəyərində təmin edilmiş istiqrazların VIII emissiyasını qeydiyyata alıb.