• USD 1,7008 0,00% EUR 2,0035 +0,31%
    • GBP 2,1952 +0,27% RUB 0,0286 +0,70%

Rüfət Aslanlı bank sektorundakı vəziyyəti açıqladı

Rüfət Aslanlı bank sektorundakı vəziyyəti açıqladı

Azərbaycanda hər hansı bankda müvəqqəti inzibatçılıq və lisenziya alınması məsələsinə baxmırıq.

Publika.az xəbər verir ki, bunu Maliyyə Bazarlarına Nəzarət Palatasının (MBNP) Direktorlar Şurasının sədri Rüfət Aslanlı bu gün keçirdiyi mətbuat konfransında deyib.

Onun sözlərinə görə, Palata 37 bankın hər birinə nəzarət edir: "Palata tərəfindən stress-testlər aparılır. Hazırda digər banklarda problem müşahidə edilmir".

O bildirib ki, Azərbaycan Maliyyə Bazarlarına Nəzarət Palatasının (MBNP) Direktorlar Şurası "Bank Standard" QSC-yə müvəqqəti inzibatçılıq təyin edib: “Aktivlərin keyfiyyətinin pisləşməsi ilə bağlı Bankda likvidlik zəifləyib. Palata həmin banka yoxlama təyin edib. İlkin qənaətə görə, səhmdarların üzləşdiyi çətinliyi həll etmək üçün Bank yetərli resurslara malik deyil. Palata bu qərarı verib. Kritik likvidlik probleminin həlli üçün dövlət maliyyə vəsaiti ayırıb. Maliyyə vəsaitləri Bankın hesablarına köçürülüb".

Onun sözlərinə görə, fiziki və hüquqi şəxslərə əmanətlərin ödənilməsi dayandırılıb. R.Aslanlı qeyd edib ki, bir ay vəziyyətlə bağlı monitorinq aparılacaq, Banka dövlət dəstəyinin həcmi tam müəyyənləşdirəcək və bir ay sonra əmanətlərin ödənişi bərpa olunacaq.

"Artıq bu gündən ayrılmış likvidlik hesabına əmək haqqı ödənişlərinə başlanılıb. Müvəqqəti inzibatçı öhdəliklərin icrası ilə məşğul deyil, Bankın idarəetməsini öz üzərinə götürüb. Həmçinin, verilmiş kreditlərin toplanması ilə məşğul olacaq. "Bank Standard" sistem əhəmiyyətli bankdır, əmanətlərin həcminə görə ikinci bankdır. Buna görə maliyyə dayanıqlığının bərpası üçün dövlət bütün lazımi tədbirləri görməyə hazırdır", - deyə MBNP rəhbəri bildirib.

Direktorlar Şurasının sədri qeyd edib ki, müvəqqəti inzibatçılıq 3 ay müddətinə təyin olunub: "İlkin olaraq, Banka 15 mln. manat ayrılıb. Proqramın məqsədi təkcə likvidliyin deyil, uzunmüddətli dayanıqlığın təminatına yönəldilib. İyunun 3-dən etibarən hüquqi və fiziki şəxslərə depozitlər üzrə ödənişlər bərpa olunacaq".

"Hazırda 37 bankın hər birinə nəzarət edirik. Hər hansı başqa bankda dayanıqsızlıq kimi hal proqnozlaşdırmırıq. Bütün hallara hazırıq, maliyyə vəsaitləri baxımından dövlət yetərli inzibati resurslara malikdir. "Bank Standard", əhəmiyyəti nəzərə alınaraq sağlamlaşdırılacaq", - deyə R.Aslanlı əlavə edib.

Palata sədri vurğulayıb ki, qaytarılması şərtilə "Bank Standard"a dövlət yardımı 6 ay müddətinə verilib.

İqtisadiyyat şöbəsi

Загрузка...

Xəbər lenti

DAHA ÇOX XƏBƏR