• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

BTC ilə neftin nəqli nə qədər azalıb?

BTC ilə neftin nəqli nə qədər azalıb?

Bu ilin yanvar-iyununda Azərbaycan neftinin Bakı-Tiflis-Ceyhan (BTC) boru kəməri ilə daşınması və Ceyhan terminalında yüklənməsində azalma müşahidə edilib.

Publika.Az Dövlət Neft Şirkətinə istinadən bildirir ki, 2014-cü ilin I yarısında BTC boru kəməri ilə 14 mln. 543,14 min ton Azərbaycan nefti nəql edilib. Bu da 2013-cü ilin analoji dövrünün göstəricisindən 4,2% azdır.

2014-cü ilin iyun ayında BTC boru kəməri ilə 2 mln. 343,834 min ton neft nəql olunub. 2013-cü ilin iyununda bu göstərici 2 mln. 544 min 149 ton idi.

ARDNŞ-dan bildirilir ki, ümumilikdə, BTC kəməri istismara verildiyi vaxtdan (28 may 2006-cı il) cari ilin iyul ayının 1-nə qədər) onunla 249 mln. 684,733 min ton neft nəql olunub.

Cari ilin iyununda Ceyhan neft terminalından bazarlara 2 mln. 579,385 min ton Azərbaycan nefti yüklənib. 2013-cü ilin iyununda isə bu göstərici 2 mln. 572,744 ton olmuşdu. Yanvar-iyun aylarında terminaldan 14 mln. 282,527 min ton neft nəql edilib (2013-cü ilin birinci yarısı ilə müqayisədə azalma 4,8%). Ümumilikdə Ceyhandan yükləmələr başlayan vaxtdan (4 iyun 2006-cı il) 247 mln. 426,441 min ton Azərbaycan nefti bazarlara yola salınıb.

Xatırladaq ki, BTC neft kəmərinin uzunluğu 1768 km-dir. Bunun 443 km-i Azərbaycan, 249 km-i Gürcüstan, 1076 km-i Türkiyə ərazisindədir. Boru kəmərinin ötürmə qabiliyyəti ildə 50 mln. tondan çoxdur.

Layihənin iştirakçıları BP (30.1%); SOCAR (25%); “Chevron” (8.9%); “Statoil” (8.71%); TPAO (6.53%); ENI (5%); “Itochu” (3.4%); “ConocoPhillips” (2.5%); INPEX (2.5%); “Total” (5%) və “ONGC” (2.36%) “ şirkətləridir.

İqtisadiyyat şöbəsi

Xəbər lenti

DAHA ÇOX XƏBƏR