Ekopublika.az

Ukraynanın qaz istehlakı 30 faiz azalıb

18 Avqust 2014 16:18

İyul ayında Ukraynada təbii qaz istehlakı ötən ilin eyni dövrü ilə müqayisədə 30,3% azalaraq, 1.271 milyard kubmetr təşkil edib.

Publika.az Ukraynanın Statistika Komitəsinə istinadən bildirir ki, iyun ayında istehlak 13,9 faiz azalıb. Ukraynada neft istehlakı ötən ilin iyul ayı ilə müqayisədə 23,3 faiz – 227,3 min ton aşağı düşüb. İyun ayında azalma 8,8 faiz təşkil edib. Maraqlıdır ki, kömür istehlakı da azalıb. Bu rəqəm nə az, nə çox - 25,9 faiz olub. Ötən illə müqayisədə 4,695 milyon ton deməkdir.

“Naftoqaz”ın rəhbəri Andrey Kobolev bildirib ki, istehlak 20 fauz azalsa Ukrayna öz ehtiyacını Avropa qazı ilə də qaşılaya bilər: “Təkcə kommunal sahədə 4 milyard kubmetr qaza qənaət etmək olar. Artıq “Kievenerqo” Kiyevə verilən isti suyu bağlayıb. Bütün istilik qurumları qazı kəsiblər. Yay rejimi ilə bağlı qənaətdən istifadə edə biləcəyimizi düşünürük”.

İqtisadiyyat şöbəsi