Ekopublika.az

İdxal edilən istehlak mallarının qiymətləri 0,6 faiz ucuzlaşıb

18 Avqust 2014 21:55

Ölkəyə idxal olunan malların qiymət indeksi 2014-cü ilin iyun ayında əvvəlki aya nisbətən 100,0faiz, MDB ölkələrindən idxal olunan mallar üzrə 99,5 faiz, digər ölkələrdən idxal olunan mallar üzrə isə 100,2 faiz təşkil edib.

Publika.az xəbər verir ki, təsnif olunan emal mərhələləri üzrə idxal edilən istehlak mallarının qiymətləri 0,6 faiz ucuzlaşıb. Aralıq məhsulların qiymətləri 0,3 faiz və investisiya mallarının qiymətləri 0,1 faiz bahalaşıb. Digər malların qiymətləri isə dəyisməz olaraq qalıb.

İxrac olunan malların qiymət indekslərinə gəlincə, 2014-cü ilin iyun ayında əvvəlki aya nisbətən 101,8 faiz, MDB ölkələrinə ixrac olunan mallar üzrə 100,6 faiz, digər ölkələrə ixrac olunan mallar üzrə isə 101,9 faiz təskil edib. Emal mərhələləri üzrə ixrac olunan aralıq məhsulların və istehlak mallarının qiymətləri 0,3 faiz bahalaşıb. İnvestisiya mallarının və digər malların qiymətləri isə dəyisməz olaraq qalıb.

İqtisadiyyat şöbəsi