Dövlət Neft Şirkəti "Cənub qaz dəhlizi" layihəsi çərçivəsində iki şirkət yaradıb
Bizi izləyin

Ekopublika.az

Dövlət Neft Şirkəti "Cənub qaz dəhlizi" layihəsi çərçivəsində iki şirkət yaradıb

Publika.Az xəbər verir ki, şirkətlər 24 iyulda təsis edilib, Vergilər Nazirliyi rəsmi informasiyanı 20 avqustda «Vergilər» qəzetinin xüsusi buraxılışında verib. Hər iki şirkət (“SOCAR Upstream Management İnternatilonal” və “SOCAR Midstream Operations”) ARDNŞ-nin mərkəzi ofisindədir və 1000 manat nizamnamə kapitalına malikdir.

Bu ilin fevralında “Şahdəniz” qaz-kondensat yatağının istismarının ikinci mərhələsi, Cənubi Qafqaz Boru Kəmərinin genişləndirilməsi, Trans-Anadolu Boru Kəməri və Trans-Adriatik Boru Kəməri layihələrində Azərbaycanın iştirak payını idarə etmək üçün "Cənub Qaz Dəhlizi" QSC yaradılıb. QSC-nin nizamnamə kapitalı 100 milyon dollardır. QSC-nin səhmdarları ARDNŞ (49 faiz) və İqtisadiyyat və Sənaye Nazirliyidir (51 faiz). QSC 2 şirkət təsis edib (“SGC Upstream” və “SGC Midstream”).

İqtisadiyyat şöbəsi

Oxumağa davam et
Reklam
Reklam

Gündəm