Ekopublika.az

Azərbaycan Rusiya üzərindən neft ixracını 41,8% azaldıb

5 Sentyabr 2014 13:33

Dövlət Neft Şirkəti (SOCAR) 2014-cü ilin yanvar-avqust aylarında Novorossiysk limanından Bakı-Novorossiysk neft kəməri ilə 677 min 785 ton neft ixrac edib.

Publika.az xəbər verir ki, cari ilin avqust ayında Novorossiysk limanından 84 min 76 ton Azərbaycan nefti yola salınıb. Qeyd edək ki, cari ilin 8 ayının göstəriciləri ilə 2013-cü ilin analoji dövrünün göstəriciləri müqayisədə Bakı-Novorossiysk boru kəməri ilə Azərbaycan neftinin ixrac həcmləri 41,8% azalıb.

ARDNŞ 2014-cü ildə Bakı-Novorossiysk boru kəməri ilə hər ay 85 min ton və ya illik 1 mln. 20 min ton neft nəql etməyi planlaşdırır.Xatırladaq ki, 2013-cü ilin nəticələrinə görə, Azərbaycan Rusiya üzərindən 1,751 mln ton neft ixrac etmişdi ki, bu da 2012-ci ilin nəticələrindən 15,2% aşağı nəticə idi.

İqtisadiyyat şöbəsi