Türkiyə Azərbaycandan nə qədər qaz idxal edib?

2013-cü ildə Türkiyə 45.2 milyard kubmetr qaz idxal edib.

Publika.az Anadolu Agentliyinə istinadən bildirir ki, Türkiyəyə idxal edilən ümumi qazın 20.7 faizi əhalinin, 48.85 faizi elektrik enerjisi istehsalının payına düşüb. İdxal edilən qazın 25.11 faizindən ölkənin sənaye sektorunda istifadə edilib.

2013-cü ildə Rusiyanın payına idxal edilən qazın 58 faizi İranın (19 %) və Azərbaycanın (9 % - 4,068 milyard kubmetr) payına düşüb. Qalan 14 faiz qaz Əlcəzair və Nigeriyanın payına düşüb.

Türkiyənin İranla 10 milyard, Rusiya ilə 20 milyard və Azərbaycanla 6.6 milyard kubmetr qazın idxalı barədə müqavilələri var.

Bundan əlavə, Türkiyənin Əlcəzair və Nigeriya ilə müvafiq olaraq 4.4 və 1.2 milyard kubmetr mayeləşmiş təbii qazın idxalı barədə müqavilələri var.

Xatırladaq ki, mavi qazın qiymətləri rəsmi açıqlanmır. Lakin Türkiyə KİV-in məlumatına görə, ölkə min kubmetr İran qazını 490, min kubmetr Azərbaycan qazını 335, min kubmetr Rusiya qazını 425 dollara alır.

İqtisadiyyat şöbəsi