• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Rumıniya Azərbaycandan qaz alacaq

Rumıniya Azərbaycandan qaz alacaq

Rumıniyanın “Transgaz” şirkəti Bolqarıstan vasitəsilə Azərbaycandan mavi qaz almağı planlaşdırır.

Publika.az xəbər verir ki, Rumıniya Trans-Adriatik Qaz Kəməri (TAP) layihəsi vasitəsilə qaz almağı düşünür.

Rumıniya şirkətinin rəhbəri hesab edir ki, bu marşrutu "Cənub qaz dəhlizi"nin bir hissəsi hesab edilir. Hansı ki Avropa Xəzər dənizi regionundan təbii qaz alacaq.

Qeyd edək ki, TAP layihəsi Cənubi Qafqaz Qaz Kəmərinin (Bakı-Tbilisi-Ərzurum) və Trans-Anadolu Qaz Kəmərinin (TANAP) davamı olub, "Şahdəniz-2" yatağındakı qazın Yunanıstan və Albaniya vasitəsilə, Adriatik dənizi ilə İtaliyanın cənubuna, oradan da Qərbi Avropaya nəqlini nəzərdə tutur. Bu kəmərlə ilkin mərhələdə ildə 10 milyard, daha sonra isə 20 milyard kubmetrə yaxın qazın nəql edilməsi gözlənilir. Azərbaycan qazının bu kəmər vasitəsilə 2019-cu ildə Avropaya çatdırılması planlaşdırılır. Məlumatlara görə, Xəzər qazını Avropaya Adriatik dənizinin dibi ilə çatdırmaq ideyasını ilk dəfə 2003-cü ildə İsveçin "Axpo" şirkəti irəli sürüb. Beləliklə, 10 il ərzində aparılan araşdırmalar və danışıqlar nəticəsində ideya reallığa çevrilmək üzrədir.

İqtisadiyyat şöbəsi

Xəbər lenti

DAHA ÇOX XƏBƏR