• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Vergidən büdcəyə 6 milyard 144 milyon 974 min manat vəsait daxil olub

Vergidən  büdcəyə 6 milyard 144 milyon 974 min manat vəsait daxil olub

2014-cü ilin yanvar-oktyabr aylarında Vergilər Nazirliyinin xətti ilə büdcəyə 6 milyard 144 milyon 974 min manat vəsait daxil olub.

Nazirliyin analitik-informasiya şöbəsindən Publika.az-a verilən məlumata görə, 2014-cü ilin yanvar-oktyabr aylarında Vergilər Nazirliyinin xətti ilə dövlət büdcəsinə vergi daxilolmalarının həcmi 6 milyard 144 milyon 974 min manat olub. Bu məbləğin 34,9 faizi mənfəət vergisinin, 26,9 faizi əlavə dəyər vergisinin, 12,9 faizi fiziki şəxslərin gəlir vergisinin, 10,4 faizi aksizlərin, 14,9 faizi isə digər vergilərin payına düşür.

Qeyri-neft-qaz sektoru üzrə büdcəyə 3 milyard 535 milyon 282,4 min manat vəsait daxil olub. Bu da ötən ilin müvafiq dövrü ilə müqayisədə 14,5 faiz çoxdur.

Yanvar-oktyabr aylarında respublika üzrə 68 min 798, yəni ötən ilin müvafiq dövrü ilə müqayisədə 15 faiz çox vergi ödəyicisi qeydiyyata alınıb. Noyabrın 1-i tarixinə qeydiyyatda olan vergi ödəyicilərinin ümumi sayı ötən ilin müvafiq dövrü ilə müqayisədə 12,9 faiz artaraq 597799-a çatıb.

2014-cü ilin yanvar-oktyabr ayları ərzində respublika üzrə elektron formada göndərilmiş bəyannamələrin xüsusi çəkisi 90,4 faiz təşkil edib.

İqtisadiyyat şöbəsi

Xəbər lenti

DAHA ÇOX XƏBƏR