Ekopublika.az

Rusiyanın Ukraynaya görə zərəri illik 140 milyard dollardır

25 Noyabr 2014 18:16

Rusiyanın Ukraynaya görə zərəri hər ötən gün daha da artır. Ölkənin maliyyə naziri Anton Siluanov bildirib ki, yaşanan böhranla əlaqədar illik itki təxminən 100 milyard dollardır.

Publika.az xəbər verir ki, A. Siluanov sanksiyaların qərb ölkələrindən gələn sərmayə axınına təsir etdiyini bildirib: “Hazırda Rusiyaya sərmayə girişi azalıb. İlk olaraq biz kreditlərdən və sərmayələrdən bəhs edirik. Avropa Birliyi və Amerika Birləşmiş Ştatları sərmayə axışına maneə törətmək üçün bütün vasitələrə əl atıb. Bunun bizə xərci illik təxminən 40 milyard dollardır. Çox böyük rəqəmdir. Lakin daha əvvəl sahib olduğumuz sərmayə çıxışını da hesaba qatdığımızda bu rəqəm 100 milyard dollar ətrafında edir”. Siluanov bildirib ki, bu rəqəm 130 -140 milyardı keçə bilər.

İqtisadiyyat şöbəsi