Ekopublika.az
51 sahibkara 571 min manat güzəştli kredit verilib
İqtisadiyyat və Sənaye Nazirliyinin Sahibkarlığa Kömək Milli Fondu (SKMF) "Sahibkarlığın inkişafına dövlət dəstəyi" mövzusunda növbəti tədbirini Ağcabədi rayonunun Xocavənd kəndində keçirib.
100-ə yaxın sahibkarın iştirak etdiyi tədbirdə Ağcabədi
rayonunun iqtisadi potensialının reallaşdırılması istiqamətində
müzakirələr aparılıb və prioritet hesab olunan 50 başlıq südlük
istiqamətli müasir ailə fermer təsərrüfatlarının, kiçik və ya orta
həcmli meyvə-tərəvəz emalı və meyvə qurutma müəssisəsinin, intensiv
bağçılıq təsərrüfatlarının yaradılması üzrə nümunəvi investisiya
layihələrinin təqdimatı keçirilib. Kiçik həcmli investisiya
layihələrinin bütünküklə dövlətin güzəştli kreditləri hesabına
maliyyələşdiriləcəyi bildirilib, sahibkarlara nümunəvi layihələr və
metodiki materiallar paylanıb.
Ağcabədi Rayon İcra Hakimiyyəti başçısının müavini Rövşən Əhmədov,
İqtisadiyyat və Sənaye Nazirliyinin sahibkarlığın inkişafı siyasəti
şöbəsinin müdir müavini Elçin İbrahimov, Aran regional bölməsinin
müdiri Elbrus Hüseynov çıxışlarında ölkədə davamlı sosial-iqtisadi
inkişafa nail olunduğunu, sahibkarlıq fəaliyyətinin genişləndiyini
vurğulayıb, ölkənin digər regionları kimi, Ağcabədidə də yeni
istehsal və xidmət müəssisələrinin, sosial infrastruktur
obyektlərinin yaradıldığını, əhalinin məşğulluq səviyyəsinin
yüksəldiyini bildiriblər.
SKMF-nun icraçı direktoru Şirzad Abdullayev deyib ki, 2014-cü ilin
ötən dövrü ərzində Fondun vəsaitləri hesabına sahibkarlıq
subyektlərinin 621 investisiya layihəsinin maliyyələşdirilməsinə
22,3 milyon manat güzəştli kredit verilib. Bu investisiya
layihələrinin reallaşdırılması 1500-ə yaxın yeni iş yerinin
yaradılmasına imkan yaradır.
Qeyd edilib ki, ümumilikdə, indiyədək Aran iqtisadi rayonunda
fəaliyyət göstərən sahibkarlıq subyektlərinin 7442 investisiya
layihəsinin maliyyələşdirilməsinə 323,7 milyon manat güzəştli
kredit ayrılmış, digər sahələrlə yanaşı, kənd təsərrüfatı üzrə
logistik mərkəzlərin, cins iribuynuzlu heyvandarlıq
komplekslərinin, quşçuluq fabriklərinin, üzümçülük, bağçılıq,
tingçilik və toxumçuluq, istixana təsərrüfatlarının, çörək
zavodlarının, meyvə-tərəvəz, süd, ət emalı müəssisələrinin
yaradılması layihələri maliyyələşdirilib. Verilmiş kreditlər
hesabına investisiya layihələrinin maliyyələşdirilməsi 28 mindən
çox yeni iş yerinin yaradılmasına imkan verir.
Xocavənd kəndində keçirilən "Sahibkarlığın inkişafına dövlət
dəstəyi" tədbiri çərçivəsində Ağcabədi və ətraf rayonlarda
fəaliyyət göstərən 51 sahibkara 571 min manat güzəştli kredit
verilib.
Tədbir çərçivəsində, həmçinin Ağcabədi rayonunun Ağabəyli kəndində
güzəştli kredit ayrılmış ildə 3,1 min ton keçi südü istehsal edən
2000 başlıq müasir cins heyvandarlıq təsərrüfatının fəaliyyətinə və
Ağcabədi şəhərində ildə 7,3 min ton çörək istehsal etmək gücünə
malik müasir çörək zavodunda aparılan tikinti işlərinə baxış
keçirilib.
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI