Köşə
Söyüş alnınıza yazılıb!
Asif Nərimanlı
Söyüş siyasi mübarizənin vasitəsinə çevrilirsə... bunun adı artıq
mübarizə deyil, tərbiyəsizlikdən doğan mərəzdir. Bu gün Azərbaycan
siyasəti söyüşü siyasi mübarizəyə - mərəzə çevirənlərlə üz-üzə
qalıb və Avropaya sığınanların timsalında “əxlaqsızların
əxlaqsızlarla dolu auditoriya qarşısında əxlaq haqda boşboğazlıq
etməsini” izləyirik.
Azərbayanlı mentalitetində (hətta bu mentaliteti gerilik hesab
etdiyini göstərənlər də daxil olmaqla) söyüş “qırmızı xətdir”, sadə
vətəndaşdan tutmuş ziyalısına qədər hər kəs bu xətti gözləyir. Amma
bu gün nə baş verir?: “Azərbaycan uğrunda mübarizə apardığı”nı
iddia edənlər bu “qırmızı xətti” təkcə keçmir, tamamilə alt-üst
edir və kimliyindən asılı olmayaraq, heç bir Azərbaycan insanının
qəbul edə bilməyəcəyi ifadələr işlədirlər. Sual yaranır: doğrudanmı
bu xətti keçənlər bu addımı instinkt olaraq atırlar, doğrudanmı,
onlar adekvat cavab verirlər? Axı hədəfə alınanlar indiyə qədər
qarşı tərəfin məhrəminə toxunmayıb. Azərbaycan siyasətində indiyə
qədər ən ağır ifadələr belə siyasi sərhədləri aşmayıb.
Bəs nə baş verir, özünə azərbaycanlı deyən şəxslər bilə-bilə
“qırmızı xətti” niyə keçirlər? Hədəf nədir?
Hər şeydən əvvəl bir məsələ xüsusi vurğulanmalıdır:
Azərbaycan siyasi cameəsi – iqtidarlı, müxaliflətli –
təhlükəli, bir o qədər də əxlaqsız hücumla üz-üzədir.
Virtual aləmdə izlədiyimiz söyüş müharibəsinin təfərrüatları bunu
açıq şəkildə göstərir.
BİRİNCİ HƏDƏF: Azərbaycanda az-çox formalaşan,
oturuşmaqda olan siyasi mədəniyyətin alt-üst edilməsi. Bu gün
Avropaya sığınan və toxunulmaz olduğunu hesab edənlər ən ağır
ifadələrlə “qırmızı xətti” keçirlər. Çünki: söyüş elə bir şeydir
ki, onun hədəfində olan tərəfin gec-tez səbri tükənə və adekvat
cavab verə bilər; təsəvvür edin, bu gün hədəfə alınan ictimai-siyas
xadimlər adekvat cavaba əl atarlarsa, bu, Azərbaycanda siyasi
formasiyanın mahiyyətindən çıxması və milli adət-ənənələrin
deqradasiyaya uğraması ilə nəticələnə bilər;
Hər iki ifadəsindən biri söyüş olanların bunu israrla davam
etdirməsi, bütün çağırışlara, nümayiş olunan siyasi mədəniyyətə
rəğmən, jarqon leksikondan əl çəkməmələri prosesin şüurlu şəkildə
aparıldığını sübut edir.
İKİNCİ HƏDƏF: Azərbaycan dövlətinin
ucuzlaşdırılması. Hədəfdə olan hökumət, hakimiyyət, yaxud iqtidarda
təmsil olunan siyasi partiya yox, Azərbaycan dövlətidir. Bu gün
Azərbaycan dövlətinin başçısına qarşı qəbulolunmaz ifadələr
işlədilirsə, bu, Azərbaycan dövlətinin ünvanına səsləndirilmiş
ifadələrdir. Çünki dövlət başçısı ilk növbədə hansısa siyasi
partiyanın lideri yox, dövlətin başçısıdır. Onun ideyalarını
bəyənib, bəyənməmək, siyasətini qəbul edib, etməmək tamam başqa
mövzudur, ortada hüquqi dövlətə və dəyərlərinə qarşı aparılan
mənəvi terror var. Və görünən budur ki, Avropada
təşkilatlandırılmış qruplar Azərbaycan dövlətinin ucuzlaşdırılması,
hörmətdən salınması istiqamətində şüurlu fəaliyyət göstərirlər.
Bütün bunların seçki öncəsi baş verməsi nə qədər təsadüfdür? Kim
zəmanət verə bilər ki, 2018-ci il prezident seçkiləri ərəfəsində
Azərbaycan üzərində həyata keçiriləcək planları pozulan dairələr,
qüvvələr azərbaycanlı mentalitetinə zidd siyasi metoda əl
atmayıblar?! Faktiki olaraq, Azərbaycan dövlətinə qarşı Hitlerin
silahdaşı Göbbelsin “Yalan nə qədər böyük olarsa, inananlar
bir o qədər çox olacaq” metodundan istifadə olunur. Ortaya
bir yalan atılıb və bu yalanlara istinadən edilərək, qarşısıalınmaz
söyüş hücumları edilir. Buna qarşı cəmiyyət olaraq hər kəs nəsə
etməlidir, təkcə dövləti təmsil edənlər yox, siyasi opponent olmağa
iddia edən müxalifətdəki hər kəs...
MÜXALİFƏT SUSURSA: bu, Vidadi İsgəndərli və söyüşü
siyasi mərəzə çevirən digərlərinin siyasi opponent olmaq iddiasını
populyarlaşdırır. Və bu, pisi ilə, yaxşısı ilə mövcud olan
Azərbaycanın siyasi mənzərəsində mənəvi-əxlaqi dəyərlərin alt-üst
edilməsinə gətirib çıxara bilər.
Bir ölkənin və o ölkədəki cəmiyyətin iki sərhədi var: biri, ərazi
sərhədləri, digəri mənəvi sərhədlər. Hər ikisi toxunulmazdır. Bu
gün Azərbaycanın mənəvi sərhədlərinə təcavüzə cəhdlər olur və heç
kim zəmanət verə bilməz ki, bu cəhd ərazi sərhədlərimizi pozanların
növbəti oyunu deyil!
Bu oyunda yer alanların “söyüş alınlarına yazılıb!”. Sərhədlərimizi
qorumaq üçün yeganə yol siyasi kimliyindən asılı olmayaraq hər
kəsin buna dur deməsidir.
-
Nida Xəbər 14:46
Göyçə yolu bağlandı: Basarkeçərin 10 kəndi qaytarılır?
-
Kriminal14:33
Azərbaycanda kişi arvadını qətlə yetirməsini lentə aldı - İNANILMAZ FAKTLAR
-
Hadisə14:03
Azərbaycanın Koreyadakı səfirinin ailəsində AĞIR İTKİ
-
Nida Xəbər 13:10
Paşinyan 5 saatlıq qapalı görüşdə 4 kəndlə bağlı nələr deyib?
-
Sosial12:57
Əhaliyə şad xəbər: bu evlər ucuzlaşacaq
-
Magazin112:22
Məleykə Əsədovanın görün neçə yaşı oldu
-
Region11:42
Nikolyanı Ermənistana buraxmadılar: Qarabağda yaralanmışdı, Qazaxla sərhəddə...
-
Nida Xəbər 11:32
Ermənistan polisi Bağanis-Voskepar yolunu bağladı