Layihə
Moda inqilabı:Fəhlə geyimi dünya podiumuna necə transfer oldu? - Fotolar
Bu yayın dəbinin ötən əsrin 80 və 90-cı illərin hücumuna məruz qaldığı heç kimə sirr deyil. O illərə aid olan bir çox geyimlər yenidən gündəmə gəlir. Bunlardan biri də kombinezonlardır. Cins parçadan tikilən kombinezonlar xüsusilə aktualdır. 90-cı illərin kombinezonları yeni formada işlənib təqdim olunur. Tabloid.az-ın "Moda inqilabları" layihəsi çərçivəsində bu həftə kombinezonun yaranma tarixi və onun düzgün geyinilmə qaydası haqqında bəhs edəcəyəm.
Kombinezonlar nə qədər müasir və qeyri-adi görünsə də, onların mənbəyi, kökü XVIII-XIX əsrə gedib çıxır. Kombinezonların tarixinə nəzər salsaq, onun əslində tarlada işləyən zəhmətkeşlərin özünü rahat hiss etməsi üçün tikildiyinin şahidi olarıq. Ümumiyyətlə, kombinezonların yaranma tarixi haqqında müxtəlif versiyalar var. Onlardan birində deyilir ki, uşaq kombinezonunu rus imperatriçası II Yekaterinanın 1780-1781-ci illərdə öz sevimli nəvəsi üçün icad edib.
Orta əsrlərdə kombinezonları Avropada hoqqabazlar və ya oyunbazların əynində görmək olardı. Belə rahat kostyum onlara mürəkkəb kələkləri və hərəkətləri yerinə yetirməyə imkan verirdi.
Ağır sənayenin, xüsusilə də qara metallurgiyanın inkişaf etdiyi ölkələrdən biri olan Amerikada xüsusi fəhlə geyimləri meydana gəlir. Bu geyim növünün adı kombinezon idi. 1856-cı ildə "Levi’s" brendinin yaradıcısı Levi Strauss ilk dəfə olaraq cins parçadan işçilər üçün nəzərdə tutulan kombinezonlar tikir. 1920-ci illərdə işçi qüvvəsi üçün nəzərdə tutulan kombinezonlar sonrakı illərdə onu geyinənlərin aşağı təbəqəyə aid olduğunu bildirirdi. Onlar əvvəlcə kişilər üçün tikilsə də, sonradan qadınlar tərəfindən də mənimsənilir. Xüsusən də I Dünya müharibəsində qadın işçilərin əsas geyim formasına çevrilir.
Kombinezon "kombinə" sözündən yaranmaqla pencəklə şalvar
birləşdirildiyi anlamına gəlir. Sonralar bu geyim növü fabrik və
zavodlardan bayıra çıxır. II Dünya müharibəsi dövründə
kombinezonlar ən dəbli geyimə çevrilir. Onların müasir növləri
meydana gəlir, ilk olaraq uşaq geyimləri arasında özünə yer tapır.
Kombinezonlar o vaxtlar uşaq geyimi kimi daha çox populyar idi.
Qadın qarderobuna daxil olması isə 1960-cı illərə təsadüf edir.
1990-cı illərdə isə artıq dəbin zirvəsinə yüksəlir. Cins parçaların
peyda olması ilə kombinezonlar yüksəliş nöqtəsinə çatır. II Dünya
müharibəsində bu tip geyimlər hərbiçilər üçün istifadə olunmağa
başlanır. Belə kombinezonların əsas üstünlükləri müxtəlif ciblərin
bolluğu ilə seçilirdi. Birləşdirilmiş pencək və şalvarların cibləri
bir geyimdə toplanmışdı. Daha sonralar isə, ipək və atlaz
kombinezonlar dəbə minir. Məşhur musiqiçilər BoneyM, Arabesque,
Abba, Elvis Presli, həmçinin Devid Boui səhnə geyimlərində
kombinezonlara üstünlük verirdirlər.
Kombinezon sadə geyim növü deyil, amma düzgün geyinməklə onu ən
sevimli yay geyiminizə çevirə bilərsiniz. Əvvəllər kombinezon
deyəndə hamilələrin geyindiyi enli paltar nəzərdə tutulurdusa, son
dövrlərdə dizaynerlərin təqdim etdiyi modellər həddindən artıq
dəbdəbəli görünür. Bu geyim növünü istənilən bədən ölçüsünə malik
qadın rahatlıqla geyinə bilər. Sadəcə, fasonu düzgün seçməlisiniz.
Kombinezon bədənə ideal oturmalı, qüsurları örtməli, gözəlliyi isə
vurğulamalıdır.
- Kombinezon tipli geyimdən istifadə edənlərin incə zövqə malik olması gərəkdir. Şux qamətli xanımlara kombinezon çox yaraşır. Amma bu kombinezonlar yüngül parçalardan tikilməlidir.
- Dolu bədənli xanımlar isə kətan və pambıq parçalı kombinezonlardan istifadə etsələr, yaxşıdır.
- Kombinezon bəstəboylu xanımları qismən qamətli göstərə bilər. Amma xanımlara kombinezonun bir çatışmayan cəhətini də xatırlatmaq lazımdır. Belə geyimlər xanımlara əl-üz yuyan otaqlarda çətinlik yarada bilər. Ona görə kombinezonlardan çox ustalıqla istifadə etmək lazımdır.
Bu mövsümdə dar ətəkli kombinezonlar da çox dəbdədir. Amma onu
hər yerə geyinib getmək olmaz.
Qısa kombinezonların müxtəlif aksessuarlara ehtiyacı olur. Belə
kombinezonların üstündən kofta və pencəklər geyinmək olur. Belə
kombinezonların rəngi tünd olsa, daha da yaraşıqlı görünə bilər.
Ümumiyyətlə, kombinezonların rəngi cəlbedici və göz oxşayan
olmalıdır. Platforma və hündürdaban ayaqqabılara üstünlük vermək
lazımdır. Kombinezon hər bir dəbli xanıma yaraşa bilər. Hər bir
hava şəraitindən sizi qoruya bilən və ətrafdakıların nəzərini cəlb
etmək istəyirsinizsə, kombinezonlara üstünlük verin. Bu geyimi
düzgün aksessuarlarla tamamlayaraq ideal obraz yarada
bilərsiniz.
Uzun
Kombinezonlar uzun, qısa, bretelsiz, dar, enli, birçiyinli, işgüzar
stildə, cins və başqa fasonlarda, alt hissəsi isə klassik, bir
qədər qısa, şərq üslubunda olur. Bu geyim növünün bir üstünlüyü də
ondan ibarətdir ki, istənilən fasonu ziyafət geyim variantına
salmaq mümkündür. Əlbəttə ki, hər xanım ziyafətə kombinezon geyməyə
cəsarət etmir. Kombinezonlarda gecənin ulduzu olmaq üçün uzun
variantları seçmək olar. Sadə, qara və uzun kombninezonu rahatlıqla
işə geyinmək olar. Belə kombinezonu həm qonaqlığa, həm gəzməyə, həm
də dostlarla görüşə geyinmək mümkündür. Cins kombinezonda isə
təbiətdə gözəl istirahət edə bilərsiniz.
Qısa
Belələri əsasən, yay üçün nəzərdə tutulub. Onları stiletto, klatç
çanta, nazik plaşlar və bleyzer kimi geyimlərlə geyinə bilərsiniz.
Kombinezonlar mövsümün digər trendi zolaqlı köynəklərlə əla qalır.
Bu variant dostlarla istirahətə, mağazalara getmək və şənliklər
üçün idealdır. Gündəlik variant üçün kombinezonla səndəl və ya
baletka, iri bijuteriya taxın. Şənliyə gedəcəyiniz halda isə
səndəli hündürdaban ayaqqabı, bijuteriyanı isə daha dəbdəbəlisi ilə
əvəz edin.
Kombinezonu nə ilə uyğunlaşdırmalı?
Ayaqqabı: Uzun və qısa kombinezonlarla həm hündür,
həm də alçaqdaban ayaqqabı gözəl görünür.
Kəmər: Kombinezona kəmər taxmaq dəbin pik
nöqtəsidir. Amma kəmər yaraşmayan modellər də ola bilər. Diqqətli
olun!
Kofta: Kombinezon üçün əla tamamlayıcı əşya ola
bilər. Bəzi modellər uzunboğaz kofta ilə əla görünür.
Parça: Arıq xanımlar nazik parçalı modelləri, dolu
xanımlar isə cins, pambıq və kobud parça olmasına fikir
verməlidirlər. Qışda isə yun modellər aktual olacaq.
Rəng:Kombinezonlar həm tək rəng, həm də güllü
parçalardan tikilir. Güllü parçada divar kağızına bürünmüş kimi
görünməmək üçün ayaqqabı və çantanı sadə seçin.
Kombinezonlar moda dünyasına periodik olaraq gəlib-qayıdırlar. Dünyanın ən tanınmış dünya ulduzları, Rihanna, Selena Gomez, Cessika Alba və Aleksa Çang kimi stil sahibləri də bu modelə böyük üstünlük verirlər.
-
Magazin111:01
Aktyor xalq artistinə belə cavab verdi: "Bu, onun başı üçün deyil"
-
Magazin110:31
Faiq Brillianta gözlənilməz sözlər dedi: "Allah bircə balasını..." - VİDEO
-
MDB10:21
FTX 5 ildir izləyirmiş: Generalın həbsinin detalları
-
Dünya09:48
İlber Ortaylıdan üzücü xəbər
-
Nida Xəbər 09:06
Köçəryan sərhədin müəyyənləşməsi haqda: Ola bilsin ki, mübahisəli ərazilərdən...
-
İdman08:24
Polis kluba BASQIN ETDİ: iki futbolçu zorlama ittihamı ilə saxlanıldı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ