Heydər Əliyevin qız nəvəsinin şəkilləri yayıldı

Ümummilli lider Heydər Əliyevin qız nəvəsi Zərifə Əliyevanın sosial şəbəkələrdə şəkilləri yayılıb.

Publika.az xəbər verir ki, şəkillər ulu öndərin Londonda yaşayan qızı Sevil Əliyevanın adına olduğu göstərilən “Facebook” səhifəsinə yerləşdirilib. Fotonun altında isə belə bir şərh yazılıb:

“Axşamınız xeyir. Bu da mən – Zərifə! Mənə qarşı göstərdiyiniz marağa görə çox sağ olun. Çoxları mənim indi necə olmağımla maraqlanırdı. Sizin xahişinizi yerinə yetirirəm və bu “şelfie”ni sizin üçün çəkirəm”.

Qeyd edək ki, Zərifə Əliyeva mərhum nənəsinin adını daşıyır.

Xatırladaq ki, bir müddət öncə həmin səhifədə Sevil Əliyevanın oğlunun da şəkilləri paylaşılmışdı.

Məlumat üçün bildirək ki, minlərlə oxucu və sosial şəbəkə istifadəçisi öz qeyd və şərhlərini yazsa da, həmin səhifəni Sevil Əliyevanın özü idarə etmir. Belə ki, Sevil Əliyeva açıqlamasında “təəssüf ki, bu səhifəni mən yaratmamışam. Lakin həmvətənlərimin, dostlarımın, mənə tanış olan və olmayan insanların arzularını, fikirlərini, rəylərini orada oxumaq mənə çox xoş idi. Ona görə də mən “İnstagram” sosial şəbəkəsində öz səhifəmi yaratmaq qərarına gəldim” - deyə bildirmişdi.

Publika.az Sevil Əliyevanın “Facebook” səhifəsində paylaşılan son fotoları təqdim edir:

Aytən