Magazin1

Günay Musayeva “Best Model”də münsif oldu – FOTOLAR

14 Sentyabr 2015 12:45

Bu il “Best Model of the World” yarışmasında dəyişiklik olub.

Publika.az xəbər verir ki, bu haqda yarışmanın prezidenti Ərkan Özerman açıqlama verib: “Bu il “Best Model of the World” deyil, “Best Model EU” adlandırılacaq. Yarışmaya ancaq Avropa Birliyi ölkələri qatılacaq. Lakin mən rəhbər olduğum üçün Türkiyə AB-yə daxil olmadığı halda belə, yarışmada iştirak edəcək. Türkiyəni 3 qız və 3 oğlan model təmsil edəcək”.

Xatırladaq ki, ötən gün “Best Model” yarışmasının Türkiyə seçimləri baş tutub. “Best Model” olmaq üçün qeydiyyatdan keçən 2 mindən artıq insanın arasından 15 qadın və 15 kişi, ümumilikdə 30 nəfər seçilib. Bu il Türkiyədə baş tutan seçim finalının münsif kürsüsündə əyləşənlər arasında azərbaycanlı model Günay Musayeva da yer alıb. Ondan başqa, Nükhet Duru, Muammər Kapurcuoğlu da münsiflər kürsüsündə olub.

Türkiyədə keçirilən “Best Model” yarışması müasir dövrün ən məşhur ulduzlarını yetişdirib. Onlar arasında Kıvanç Tatlıtuğ, Dəniz Akkaya, Kənan İmirzalıoğlu, Ece Sükan, Çağatay Ulusoy, Burak Özçivit, Tolqahan Sayışman və s. də var.

İsa Şükürov