“Arşın mal alan”ın Hollivudda premyerası keçirilib
Bizi izləyin

Magazin1

“Arşın mal alan”ın Hollivudda premyerası keçirilib

1945-ci ildə çəkilən “Arşın mal alan” filmi Hollivudda nümayiş olunub. Bu, filmin Hollivudda ilk premyerası kimi tarixə düşüb.

Publika.az xəbər verir ki, film, Hollivudun ən qədim kinoteatrlarından olan, tarixə ilk avtomatlaşdırılmış kinoteatr kimi düşmüş “Ricardo Montalban”da təqdim edilib.


Qeyd edək ki, Azərbaycanın ölməz bəstəkarı Üzeyir Hacıbəylinin anadan olmasının 130, Rəşid Behbudovun 100, “Arşın mal alan” filminin isə 70 illiyinə həsr olunan nümayişdə sözügedən filmin 2013-cü ildə Heydər Əliyev Fondunun təşəbbüsü və dəstəyi ilə bərpa edilmiş və rənglənmiş versiyası göstərilib. Nümayişdən əvvəl film barədə məlumat verib. Filmin Azərbaycan xalqının ümummilli lideri Heydər Əliyevin tövsiyəsi ilə bərpa edildiyi diqqətə çatdırılıb. Tamaşaçılar həmin çıxışın videoyazısına baxıb.


Sonra çıxış edən, Rəşid Behbudovun qızı Rəşidə Rəşid filmlə bağlı atasından eşitdiyi xatirələri tamaşaçılarla bölüşüb.

Qeyd edək ki, filmin rənglənməsini həyata keçirən Hollivud şirkətinin rəhbəri İqor Lopatonokdur.


Sonra film nümayiş etdirilib.

Cəvahir Səlimqızı

Oxumağa davam et
Reklam
Reklam

Gündəm