• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

Azərbaycanlı aktrisa: "Erotik səhnələrdə aktrisa olmayan..." - FOTO

  • Magazin1
  • 28 Sentyabr 2015 06:15
  • 1 942 Baxış
Azərbaycanlı aktrisa: "Erotik səhnələrdə aktrisa olmayan..." - FOTO

Aktrisa Günel Həmidovanın Milli.Az-a müsahibəsi.

- Günel xanım, necə düşünürsünüz, səhnə üçün doğulmusunuz?

- Düşünürəm ki, mən məhz səhnə üçün yaranmışam. Çünki incəsənətə uşaqlıq illərimdən olan meylim bunu deməyə əsas verir. Düzdür, bu sənətə sahiblənməyim mənə bir o qədər də asan başa gəlmədi. Valideynlərim narazı idilər. Lakin nəticə etibarilə, onların razılığını və xeyir-duasını ala bildim. Onlarda bir güvən yaratdım.

- Beləliklə, Dövlət Mədəniyyət və İncəsənət Universitetinə daxil oldunuz... Universitetdən sonra sənət sizə hansı sürprizləri etdi? Serial "həyat"ınız kifayət qədər uğurlu oldu deyə bilərikmi?

- Hələ universitetdə oxuyarkən məni bir reklam çarxına çəkmişdilər. Ondan sonra tez-tez dəvətlər almağa başladım. Müxtəlif film və seriallarda, eləcə də reklamlarda rol aldım.

- "Bir ailəm var" serialı sizin üçün kifayət qədər uğurlu oldu desək, yəqin ki yanılmarıq...

- Sizinlə tam razıyam, sözügedən serial mənim birə-beş tanınmağımda müstəsna rol oynadı.

- Ailənizdə, yaxud da qohumlarınızdan incəsənət sahəsində çalışan insanlar var?

- Mənim nə ailə üzvlərimin, nə də yaxın qohumlarımın, ümumiyyətlə, incəsənətə dəxli də yoxdur (gülür).

- Bəs sizə nəyin dəxli yoxdur?

- Mənə aid olmayan bir şeyin mənə dəxli yoxdur. Mən bu prinsiplə yaşayıram.

- Belə bir deyim var, islanmışın yağışdan nə qorxusu? İslananlardansınız?

- Sözün hər iki mənasında islanmışam. Amma əsl mənada islanmağı xoşlayıram (gülür). Yağışı çox sevirəm. Hər dəfə yağış yağanda pəncərənin qarşısında dayanıb, əllərimi açıb Allaha verdiyi bərəkətə görə şükranlığımı bildirirəm.

- Teatrda işləmək fikriniz yoxdur?

- Müəyyən vaxtlarda işləmişəm. Daimi olaraq da çalışmağım pis olmaz, hətta istəyərdim. Bu məsələni də qismətə bağlamaq olar (gülür).

- Günel xanım, indiki gənc aktrisaların açıq-saçıq səhnələrə münasibəti birmənalı deyil... Sizin bu barədə fikrinizi bilmək maraqlı olar. Erotik filmə çəkilərsiniz?

- Erotik filmə indiki zaman üçün çəkilmərəm. Çünki mənim belə təklifləri dəyərləndirməyə hansısa maddi və ya mənəvi ehtiyacım olmalıdır. Ya da ki özümü belə rollarla reklam etmək "eşq"i. Şükür Allaha ki əlimi hansı rola atsam, onu tamaşaçıma qəbul etdirə bilərəm. Bunun özü ən gözəl reklamdır. Tamaşaçı kütləm mənə inanır, onları pis mənada təəccübləndirmək istəmirəm. Bir də ki bunun üçün heç bir xüsusi qabiliyyət, yaradıcılıq tələb olunmur. Erotik səhnələrdə aktrisa olmayan, yoldan ötən birini də gətirsən, çəkilə bilər. Mən isə özümü daha çox yaradıcılıq tələb olunan rollarda görürəm.

- Şəxsi həyatınız barədə çox az məlumat var. Buna özünüz şərait yaratmırsınız, yoxsa media nümayəndələri maraqlanmırlar?

- Maraqlananlar olsa da, mən şəxsi həyatım barədə məlumatları mətbuata sızdırmıram. Xoşum gəlmir ki, kimlərsə mənim şəxsi həyatımı müzakirə etsinlər.

- Oynadığınız rollar tamaşaçıların yaddaşında yaxşı qalıb, görünür. Xüsusən də, "Səma" obrazı...

- Elədir... Hətta məni yolda, küçədə görənlərin çoxu Günel yox, Səma deyərək xitab edir (gülür). Bu, mənim üçün çox sevindirici haldır. Deməli, tamaşaçıda təəssürat yarada bilmişəm.

- Hər "qapı"nı asanlıqla açmısınız?

- Şükürlər olsun ki, bağlı qalan "qapı"ların sayı çox azdır. Bəzi məqamlarda çətinlik olsa da, istədiyim "qapı"nı açmağı bacarmışam.

- İllərdir kimi gözləyirdiniz?

- İllərdir ki onu gözləyirdim və nə yaxşı ki indi yanımdadır (gülür).

Xəbər lenti

DAHA ÇOX XƏBƏR