Magazin1

Abbas Bağırovun transformasiyası – FOTOLAR

29 Sentyabr 2015 17:45

Artıq çəkidən əziyyət çəkənlərin arıqlamaq istəyi heç də həmişə uğurlu olmur. İllər boyu davam edən pəhrizlər, kalorisini hesablayıb sonra yemək vərdişi, axşam saat 7-dən sonra qidadan imtina bir nəticə vermir. Beləliklə, hər pəhriz saxlayan istədiyi bədənə sahib ola bilmir. Belə olan halda motivasiya əsas şərtə çevrilir. Artıq çəkidən əziyyət çəkənlər üçün ən yaxşı "dəlil-sübut" bu istiqamətdə uğur qazananlarla tanışlıqdır.

Publika.az bu məqsədlə artıq çəkidən xilas olanların qida rejimləri, qida rasionları, ümumiyyətlə, həyat tərzi ilə bağlı mütəmadi yazılar yayımlayır.

Bu dəfə motivasiya axtarışında olanlara şou nümayəndələrindən Abbas Bağırovu nümumə göstərəcəyik. Müğənni bir neçə il əvvələ qədər ağırçəkili idi. 125 kq ağırlığında olan Abbas böyük əzm nümayiş etdirərək ideal bədən ölçülərinə nail oldu. İndi müğənni 80 kq-dır. Tam 45 kq çəki atan ifaçı, arzuladığı əzələ kütləsini də yığıb.

Odur ki, pəhriz saxlayıb idman zalına getmək üçün növbəti həftənin və ya ayın ilk gününü gözləməyə dəyməz. Abbas Bağırovun Publika.az-ın təqdimatında şəkillərinə baxıb həvəslənin ki, gözəl və sağlam qalasınız!

İsa Şükürov