• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Xalq şairinin 80 yaşı Moskvada qeyd olundu

  • Magazin1
  • 30 Oktyabr 2015 14:45
  • 362 Baxış
Xalq şairinin 80 yaşı Moskvada qeyd olundu

Moskvada Xalq şairi Fikrət Qocanın 80 illik yubileyi qeyd edilib.

Mərkəzi ədiblər evində keçirilən yubiley tədbiri “Ocaq” ictimai cəmiyyəti tərəfindən təşkil olunub.

Publika.az xəbər verir ki, yubiley tədbirində çıxış edən Azərbaycanın Rusiyadakı səfiri Polad Bülbüloğlu Fikrət Qocanı dost olaraq əvəzsiz insan, fədakar ziyalı, fəlsəfi-intellektual təfəkkürə malik, milli və çağdaş ruhlu şair kimi səciyyələndirib.

Polad Bülbüloğlu şairin yaradıcılıq məhsulları olan məşhur mahnıların, o cümlədən “Gəl, ey səhər” mahnısının ərsəyə gəlməsinin tarixçələrini danışıb. Səfir, həmçinin F.Qocanın Moskvada yaradıcılıq gecəsinin keçirilməsini diasporun həyatında əlamətdar hadisə kimi qiymətləndirib.

Tədbirin təşkilatçılarına və iştirakçılarına təşəkkür edən yubilyar yaradıcılığına verilən böyük qiymətə görə minnətdarlığını bildirdi.

Sonda incəsənət ustalarının ifasında Fikrət Qocanın sözlərinə yazılmış mahnılarından ibarət konsert proqramı təqdim olunub.

Cəvahir

Xəbər lenti

DAHA ÇOX XƏBƏR