Magazin1

Məşhur bəstəkarın oğlu məhkəmə ilə hədələdi

9 May 2016 12:56

“Atamın mahnılarını Türkiyədə anonim adı ilə oxuyurdular. Buna görə qardaş ölkəyə gedib musiqi şirkətləri və müğənnilərlə mübarizə apardım. Məhkəməyə qədər gedib çıxdıq. Sübut etdim ki, bəli, həmin mahnılar Ələkbər Tağıyevə məxsusdur”.

Bu sözləri Publika.az-a mərhum bəstəkar, saysız-hesabsız hitlərin müəllifi Ələkbər Tağıyevin oğlu Xaliq Tağıyev söyləyib. Bəstəkarın oğlu Azərbaycan mahnılarının anonim adı ilə oxunmaması üçün sona qədər mübarizə aparacağını deyib: “Fikir vermisinizsə, son vaxtlar Türkiyədə Azərbaycan mahnıları daha anonim adı ilə oxunmur. Bunun səbəbkarı mənəm. Onlar başa düşdülər ki, belə bir addım atsalar, məhkəmədə qarşılaşmalı olacağıq. Hər bir azərbaycanlı musiqimizə sahib çıxmalı və belə şeylərə göz yummamalıdır. Sona qədər mübarizə aparacam”.

Cəvahir