Magazin1
Xalq Artisti Məhluqə Sadıqovanın xatirəsi anıldı - - FOTOLAR
Oktyabrın 17-də Azərbaycan Dövlət Akademik Milli Dram Teatrında Xalq Artisti Məhluqə Sadıqovanın 100 illiyinə həsr olunan tədbir keçirilib.
Publika.az xəbər verir ki, Mədəniyyət və Turizm Nazirliyinin, Azərbaycan Teatr Xadimləri İttifaqının və Dövlət Teatr Muzeyinin birgə təşkilatçılığı ilə keçirilən tədbir Prezident İlham Əliyevin “Məhluqə Sadıqovanın 100 illiyinin keçirilməsi haqqında” Sərəncamına əsasən reallaşıb.
Əvvəlcə qonaqlar unudulmaz aktrisanın həyat və yaradıcılığını əks etdirən fotosərgi ilə tanış olublar. Sonra sənətkarın ömür yolunu əks etdirən videoçarx nümayiş etdirilib.
Respublikanın tanınmış elm, mədəniyyət və incəsənət xadimlərinin qatıldıqları tədbirdə mədəniyyət və turizm nazirinin müavini Ədalət Vəliyev çıxış edərək sənətkarın milli mədəniyyətimizin inkişafındakı xidmətlərindən danışıb. Nazir müavini unudulmaz aktrisanın Azərbaycan teatr və kinosunun inkişafındakı xidmətlərini vurğulayıb, onun yaratdığı obrazlar qalereyasına nəzər salıb.
Qeyd edilib ki, 1917-ci il aprelin 28-də Şuşada anadan olan M.Sadıqova 1930-cu ildə ailəsi ilə birlikdə Bakıya köçüb. O, 1936-cı ildə Bakı Tibb Texnikumunu bitirdikdən sonra rəqs və dram dərnəklərində çalışıb. Sonralar Azərbaycan Dövlət Akademik Milli Dram Teatrında üslub və forma, məzmun və mahiyyət, estetik dəyər və psixoloji tutum baxımından bütün janrlarda hazırlanmış tamaşalarda iştirak edib. Aydın və səlis diksiyası, ifadəli səhnə danışığı aktrisanın oynadığı rollara dolğunluq və bütövlük gətirib. O, qırx ildən çox radionun “Bulaq” folklor-etnoqrafik verilişinin aparıcılarından biri olub. Öz oyununda xarakterik ifadə vasitələrinə üstünlük verən Məhluqə Sadıqova “Oqtay Eloğlu”, “Solğun çiçəklər”, “Almaz”, “Sevil”, “Dönüş”, “1905-ci ildə”, “Göy quş”, “Skapenin kələkləri”, “Pəri cadu”, “Vaqif”, “Fərhad və Şirin”, “Xanlar”, “Günahsız müqəssirlər”, “Şeyx Sənan”, “Qış nağılı”, “Vanya dayı”, “Şeytanın şagirdi”, “Nazirin xanımı”, “Lənkəran xanının vəziri”, “Qadın faciəsi”, “Yalan”, “Atayevlər ailəsi”, “Şöhrət və ya unudulan adam” və digər səhnə əsərlərində mükəmməl obrazlar yaradıb.
Akademik Milli Dram Teatrının direktoru, Xalq Artisti Azərpaşa Nemətov, Xalq artistləri Hacı İsmayılov və Rafiq Əzimov aktrisanın sənətdəki əvəzsiz xidmətlərindən, insani keyfiyyətlərindən bəhs ediblər.
Sənətkarın ailəsi adından ABŞ-da yaşayan nəvəsi Maykl Şərif çıxış edərək M.Sadıqovanın xatirəsinə göstərilən ehtirama görə təşəkkürünü bildirib.
Sonra Cəfər Cabbarlının “Almaz” pyesi əsasında hazırlanan eyniadlı tamaşa nümayiş etdirilib.
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO
-
Nida Xəbər 18 Mart 19:30
Ordumuz bu ərazilərdə mövqelərini möhkəmləndirir - Zakir Həsənov