Dado DANIŞDI: “Natavanı mən məcbur elədim...”
Bizi izləyin

Magazin1

Dado DANIŞDI: “Natavanı mən məcbur elədim...”

Müğənni Natavanın keçmiş əri Səid Əliyev (Dado) ayrılmaları ilə bağlı açıqlama yayıb.

O, rəsmi "İnstaqram" səhifəsində bunları yazıb:

"Bu gündən sonra bütün söhbətlərə son! Natavan xanımı mən məcbur elədim ki, boşanmağımız barədə açıqlama versin. O, bunu istəmirdi. Aramızda çox böyük və ciddi problem yaşandı. Əsəblərimizə hakim ola bilmədik. Mən açıqlama ilə bağlı onu məcbur edərkən instaqramda yazacağına inanmadım. Mənim ucbatımdan oldu”.

O, Natavan Həbibinin bir neçə həftə bundan əvvəl boşanacağı barədə paylaşımına, evliliklərinin saxta olması ilə bağlı yayılan məlumatlara bu açıqlaması ilə bir dəfəlik son qoymaq qərarına gəlib:

"Ümid edirəm ki, biz nə vaxtsa barışacağıq. Barışmasaq belə o demək deyil ki, kimsə gözünü yumub ağzına gələni danışa bilər. Yenə icazə vermərəm. Bizi istəyənlər, istəməyənlər, sağ olun. Gözümüzü bir az da açdınız. Dostumuzun kim, düşmənimizun kim olduğunu aydın görə bildik. Hazırda ailəmizi qorumaq üçün əlimizdən gələni edirik. Bir-birimizdən uzaq olsaq belə. Qalan boş söhbətlərə, hansısa tanımayanların sözünə əsla inanmayın.

Mən kişiyəm. Pula satılan məxluqların söhbəti ancaq bizi güldürə bilər. Saxta evlilik, alınan bəy, kiminsə acığına edilən toy və s. Kino kimi... Sadəcə heyif ki, indi ailəmlə oturub bunlara gülə bilmirik. Həmin şeyləri danışan, "özlərini reklam edirlər” deyənlərin başına belə hadisə gəlsə, biz "əcəb oldu” demərik. "Həyatdır, Allahın qismətidir” deyib xoşbəxtlik arzu edərdik.

Hər şeyin sonu olduğu kimi mənim də səbrimin sonu var. Ağıllı olun, mövzu bağlandı. İmkan verin problemimizi həll edək. Gündə bir söz çıxartmayın. Bir dəfə dedik, bitdi. Sizin yaratdığınız söz-söhbət aramızda əlavə problem yaratmır. Bir-birimizi yaxşı tanıyırıq, sadəcə olaraq doğmalarımızı üzür. Biz də heç bunu istəmirik. Heç kimin günahını almayın, haqqına girməyin. Bizim günahlarımızı da alan çox adam tapıldı.

Boşansaq biləcəksiniz. Sizin yaratdığınız söz-söhbət aramızda əlavə problem yaratmır. Çünki biz bir-birimizi yaxşı tanıyırıq. Sadəcə doğmalarımız üzülür.Biz də bunu heç istəmirik".

Oxumağa davam et
Reklam
Reklam

Gündəm