Aşıqla rejissor söz davasına çıxdı

Aşıq Əli və rejissor Nail Naiboğlu arasında söz mübahisəsi yaşanıb. “Günaydın” verilişinin qonağı olan Aşıq Əli rejissoru tənqid edib.

“Azərbaycanda 4-5 işini bilən rejissor varsa, biri də Naildir. Amma sözün düzünü deyəcəyəm. Efirdən əvvəl özünə də dedim. O, çox ucuzluğa getdi. Gərək bunu etməyəydi”.

Verilişdə olan Nail Naiboğlu da qarşı tərəfi cavabsız qoymayıb.

“Kanalların birində mənim rejissoru olduğum kliplər təqdim olunan verilişim yayımlanır. Əksəriyyət də elə bilir ki, orda yayımlanan bütün klipləri mən çəkmişəm. Amma əmin edim ki, həmin kliplərin səksən faizi digər rejissorların əl işidir. Mən cəmi 1 ildir klip çəkirəm. Ümumilikdə 200-dən çox klip çəkmişəm. Çox dedilər ki, film çəkə bilməzsən. Amma bunu da etdim. Rejissoru olduğum “Biznesmen” filmi bu ay təqdim olunacaq. Film komediya janrındadır”.

Qeyd edək ki, “Günaydın” verilişi həftə içi 5 gün saat 14:20-də Vüsalə Kərimovanın təqdimatında “Space” telekanalında yayımlanır.

İsa Şükürov