Magazin1
“Yarımdünya” filminin qala gecəsindən FOTOLAR
Dünən Bakıda “Flame Towers”in “Park Cinema”sında “Yarımdünya” bədii filminin qala gecəsi keçirilib.
Filmi türkiyəli rejissor Osman Albayraq çəkib. Daha çox aparıcı kimi tanınan Tural Əsədov layihənin baş prodüseridir.
Qala-gecəyə filmin yaradıcı heyəti - rejissor Osman Albayraq, prodüser və filmdə baş rollardan birini oynayan Tural Əsədov, müğənni Miri Yusif, aktrisalardan Gülsara Rzayeva, Pərvin Abıyeva, aktyor Kamran Ağabalayev iştirak ediblər.
Publika.az xəbər verir ki, gecəyə filmin çəkiliş heyətindən başqa, Nura Suri, Rafael İsgəndərov, Coşqun Rəhimov, Hacı Nuran, Kəmalə Babayeva, İlham Qasımov, İlkin Həsəni və başqa məşhur simalar iştirak ediblər.
Film Miri Yusifin dostuna ithaf etdiyi “Yarımdünya” adlı mahnısı əsasında çəkilib. Film 3 kişinin bir qadına olan sevgisindən bəhs edir. Bu 3 kişi xaraktercə bir-birindən çox fərqlənir. Hadisələr bu məhəbbət üçbucağı ətrafında cərəyan edir. Talelərində artıq bir dəfə bu sınaqdan keçən dostlar bu xoşagəlməz hal ilə yenidən qarşı-qarşıya qalır. Lakin sevginin onları hara aparacağını bilmirlər, nələrlə üzləşəcəklərdən xəbərsizdirlər.
Miri Yusif: “Yarımdünya” klipini sentyabrda dünyasını dəyişən dostu Vüqar Əbdülrəhmanova həsr etmişəm. Buna görə də bu mahnı mənim yaradıcılığımda böyük rol oynayır. İlk rolum olduğu üçün çox həyəcanlıyam” - deyib. Sevilən ifaçı onu da qeyd edib ki, filmdə, demək olar ki, özünü, yəni romantik musiqiçi obrazını canlandırıb.
Filmdə Fuad obrazını canlandıran Tural Əsədov isə bildirib ki, bu film dostluq, səmimiyyət və düzgünlük üzərində qurulub.
Tural Əsədov:: “Bu film həm də bu və ya digər vəziyyətdən necə çıxmağın yolu göstərilib. Film maarifləndirici xarakter daşıyacaq, heç birimiz bu cür hallardan sığortalanmamışıq. Biz dostluğun sözdə yox, əməldə göstərilmək lazım olduğunu ifadə etməyə çalışmışıq”, – söyləyib.
Ekran işi Azərbaycanın bütün kinoteatrlarında aprel ayının 9-dan etibarən nümayiş olunacaq.
Aytən
Fotoqraf: Rəşad Abbasov
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!