Magazin1
Sevda Ələkbərzadənin “Çanaqqala türküsü” hamını kövrəltdi - FOTOLAR
Xarici Dillər Universitetində ASAN Xidmətin sifarişi ilə hazırlanan “Çanaqqala 100 “Qardaş köməyi” filminin və “Çanaqqala türküsü” klipinin təqdimat mərasimi keçirilib.
Publika.az xəbər verir ki, hər iki ekran işi Çanaqqala savaşlarında şəhid olan qəhrəman türk əsgərləri və azərbaycanlı könüllülərin əziz xatirəsinə ithaf edilib. Möhtəşəm layihənin rəhbəri AYB-in üzvü Cəlal Qurbanovdur.
Ekran işində əməkdar artist Sevda Ələkbərzadə “Çanaqqala türküsü”nü ifa edib.
Təqdimat öncəsi Bakı şəhər Gənclər və İdman Baş İdarəsinin rəisi Rafiq Abbasov layihə ilə bağlı fikirlərini bölüşüb:
“Sabah Türkiyə Çanaqqala zəfərinin 100 illiyini qeyd edəcək. Eyni zamanda, ermənilər qondarma erməni soyqırımının 100 illiyini qeyd edir. Belə bir ərəfədə Azərbaycan da öz sözünü deyir. Bu layihənin əhəmiyyətini xüsusilə vurğulamaq istəyirəm. İstedadlı yazar Cəlal Qurbanova minnətdarlıq edirəm. Hər zaman vətənpərvər ideyaları ilə seçilib, Azərbaycan himnini, səngərini, döyüşçüsünü tərənnüm edən layihələri ilə öz sözünü deyib. Sevda Ələkbərzadə də türkünü özünəməxsus ifa edib. Bu layihələrin davamlı olmasını arzulayardım”.
Əməkdar artist Sevda Ələkbərzadə belə bir layihədə iştirak etdiyinə görə qürur hissi keçirdiyini bildirib: “Bu çox məşhur bir türküdür, ilk dəfə bir əsgərin dilindən səslənib. Çanaqqala savaşında türk əsgərləri ilə bərabər azərbaycanlı könüllülər də vuruşub, bu türkü də onların qəhrəmanlığına həsr olunur. Layihə rəhbəri Cəlal Qurbanova xüsusi təşəkkür etmək istəyirəm. Çox istərdim ki, Azərbaycan mədəniyyətində bu cür layihələrin sayı çox olsun”.
Qeyd edək ki, “Çanaqqala 100 “Qardaş köməyi” filminin və “Çanaqqala türküsü” Cəlal Qurbanovun növbəti uğurlu layihələrindəndir.
Cəvahir Səlimqızı
Foto:Rəşad Abbasov
-
Sosial22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin222:00
Sevgilisi məşhur aktrisanı döydü: "Aylarla..."
-
Sosial21:36
Daxili İşlər Nazirliyi əhaliyə ÇAĞIRIŞ ETDİ
-
İnanc21:24
Ramazanın 19-cu gününün duası - İmsak və iftar vaxtı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI